Unimwaane Robert C. Gay

Beretitentii n te Itingaun

Ngke e beku bwa te beretitenti n te mition i Ghana, Unimwaane Robert C. Gay e karekea te namakin n te bong teuana ni katoka ao ni buoka te ataeinimwaane ae tang. N te moan tai, e aki tabeakina te nano anne ma imwiina e kanakoa kaain te Ekaretia bwa e na kakaea ao ni uota te ataeinimwaane anne nakoina.

Unimwaane Gay, e kamatoaki bwa kaain te Beretitentii n te Itingaun ni Maati 31, 2018, e kabonakoa te tari n ika ibukin ana tia tararua. N te bong anne te ataeinimwaane anne e a tia ni kabua ana mwane rinanon bwangabwangan buuan ana kawaerake.

“Ngkana e oki ma akea te mwane, e na aranaki bwa te tia kewe, ao n taraa n ae na oreaki, ao imwiina e nakon te kaawa,” e taku Unimwaane Gay. “Ti kona ni buoka makuna, onea mwiin ana kabua, ao ni uotia nakon mweengana nakon ana tia tararuaia.”

N aron are e kabwarabwaraaki n te maungatabu ni kabuta Okitobwa 2012, te taneiai anne e reireina Unimwaane Gay uoua bwaai aika tamaroa: “te Moan, I ataia n aron ae I aki ataia mai imwaina bwa te Atua e tabe ibukira; ao te kauoua, I ataia ae ti riai ni kakauongo nakon bwanaan te Tamnei inanora ao n nako ‘ni waekoa’ nakon te tabo ae na uotira nako iai, n aki tabe ma makura ke ara kaangaanga.”

Unimwaane Gay e kamatoaki bwa te Mataniwi ni Kabuta n te Itingaun n Maati 31, 2012. N ana tai ni weteaki nakon te Beretitentii n te Itingaun, e riki ngaia n te tai anne bwa te Beretitenti n Aonon Atia Meang. E mwakuri mai imwaina n ana Etukuata te Ekaretia bwa te tia babaire n te Komete n Ibuobuoki n te Toronibwai/te Mwane n Reirei ae Teimatoa, ma te ibuobuoki n te toronibwai ni kabuta te aonaaba.

Imwain ae weteaki nakon te Itingaun, ngaia bon te tiibi aobitia ni kakoroi mooti n te tabo ni karinimwane ae kamangaongao. E mangaongao naba ao ni beku bwa te taraekita ke te taraekita n bootaki n ibuobuoki n te aonaaba tabeua ao ni mwakuri ni bangke ni karinimwane n te Wall Street, bwa te tia rabakau iaon te aro ni kairiiri, ao te tia reirei n te ikaonamiti n te Harvard Iuniwetiri.

Unimwaane Gay e karekea ana tikurii n te baetira n te arts n te ikaonaomiti ma kakawakin waare man te Utah Iuniwetiri ao PhD n te bitineti ikaonamiti man te Harvard Iuniwetiri.

E a tia Unimwaane Gay ni beku bwa te mitinare ae bwanin ana tai i Spain, te mataniwi n te kurubu ae rietaata, te beretitenti irouia Ataeinimwaane n te uoote, kauntira ae rietaata, ao te Itingaun n te Aono.

E bungiaki i Los Angeles, California, USA, n Tebetembwa 1, 1951. E mare ma Lynette Nielsen n Eberi 1974. A riki bwa kaaro irouia ataei aika niiman.