Unimwaane Juan Pablo Villara

Mataniwi ni Kabuta n te Itingaun

Ana kabwarabwara Unimwaane Juan Pablo Villar nakon te Ekaretia e roko i Santiago, Chile, when tarina are ti ikawai, Ivan, e katanoata nakon te utu bwa e a tia ni bwabetitoaki n akea aia kariaia ana karo ao imwiina e taku imwiina bwa e iangoia bwa e na nako ni mitinare. Ngke e titirakinaki bukin tera, e tibwauai ana kakoaua ao nanona ni kan beku.

“I aki oota n nanon bwaai akanne,” e ururing Unimwaane Villar, ngkanne 17 ana ririki. “Ma n te tai anne, iai te ati ae e katikua inanou.”

Te ati anne e anganaki ana tai ni bwebwerake ngke e kabwarabwaraaki iroun tarina nakoia mitinare. N tain ana moan reirei, Unimwaane Villar e karekea oin ana kakoaua ibukin koauan ana Boki Moomon.

“Ibukiu, e aki riai bwa N na katorobubua ao n tataro, ibukina bwa te tai are a tibwaua aia kakoaua, I ataia inanou bwa e koaua,” e taku. “Ngke I ataia bwa, bwaai ni kabane a bon koaua.”

Ivan, e beku n te mition ae uakaan, e karekea te kariaia bwa e na bwabetitoa Unimwaane Villar n 1988. Imwiina, tinaia ao tariia temanna, Claudio, e kaaina naba te Ekaretia.

Teuana te ririki imwiin ana bwabetito, e moana ana mwakuri ni mitinare Unimwaane Villar, e moana maiuna ni ibuobuoki n raonaki ma ana beku ngke te beretitenti n te titeiki, bitiobi, kauntira n te bitiobiriki, kauntira n te Chile Santiago East Mition, ao te Itingaun n Aonon South America South. E kamatoaki ni Maati 31, 2018, bwa te Mataniwi ni Kabuta n te Itingaun.

E bungiaki Unimwaane Billar n Tebetembwa 11, 1969, i Valparaiso, Chile, irouia Sergio Villar Vera ao Genoveva Saaverdra. E mareaki ma Carola Cristina Barrios ni Maati 31, 1994, i Santiago Chile Tembora. Boni kaaro aika teniman natiia.

Imwiin reken ana baetira tikuri n te itoman ma te botanaomata ao irekereke ma kaain aon aonaaba ao te mwaatita tikuri iaon kabonakoan bwaai, e mwakuri n te bwaamwaati ao karaobwai ibukin bwainaoraki. N 2007 e reita riki ana mwaatita tikuri n tararuan te bitineti mai Brigham Young University. Ngkanne e oki nako Chile ni mwakuri ibukin Orica, te kambwana ni mwaain, n te tai ae e a tibwa nako bwa ngaia te tiniia manatia.