Manga Katean te Kooram

Te uoote (ke mwaanga) kurubu n ibonga aika rietata ao kooram n unimwaane a nang ikotaki bwa teuana te kooram n unimwaane, Beretitenti Russell M. Nelson e katanoata n tain te tetere n te maungatabu ni kabuta n te nakoanibonga. Te titeiki beretitentii e na reitinako ni beku bwa te kooram n ibonga ae rietatatake, ma te kooram anne e na raonaki irouia tii te ibonga aika rietata ake a beku ngkai n te titeiki beretitentii, ni bitioburiki, iaon te kauntira aika a rietata, ao tamanuea ae mwakuri.

Te kooram n unimwaane e na kairake iroun te beretitentii are e kaainaki irouia unimwaane ao ibonga aika rietata. Te beretitenti n unimwaane n te kooram e na ribooti nakon te beretitenti n te titeiki ao ni boowi ni katoa tai ma te bitiobi. Aobiti n te Nakoanibonga a na tiku n aroia. Te uoote ae ngkai (ke mwaanga) beretitentii n te kooram n unimwaane ao taan kairiiri n te kurubu n unimwaane ae rietata e na kamotirawaaki, ao te beretitenti n te titeiki e na wetea te beretitentii n aia kooram unimwaane ae boou.