Unimwaane Kyle S. McKay
Mataniwi ni Kabuta n te Itingaun
Irarikin te utu aei ao te Ekaretia, nanon nUnimwaane Kyle S. McKay ae moan te korakora te kan totoka iaon ana aoti iaon maunga.
“Bon tiaki au aro,” e taku, “ma akea te titiraki e a tia ni kakorakora au [onimaki]. I kaota te kaokoro imarenan ana maunga te Uea ao maungan ana auti te Uea. I kaitibo ma ngaia n taabo aika uoua.”
Unimwaane McKay e kabotaua te maunga ietan Huntsville, Utah, USA, nakon ranin ao buakonikain Moomon ao kakawakiia ibukiia ana aomata Aramwa—boni ngaia are, inanon ana tai ni kairake, e moanna n ataa te Tia Kabooira.
E bungiaki Unimwaane McKay wni Beberuare 14, 1960, i Chicago, Illinois, USA, irouia Barrie Gunn McKayo Elaine Stirland McKay, are e kamoamoa ngkai e kabobonga arona n riki bwa te aomata ae ngkai.
E anaa ana motirawa man ana kamatebwai i Brigham Young University n 1979 ni karaoa ana mwakuri ni mitinare ae bwanin taina i Kobe, Tiabaan. Teutana te tai imwiin okina ni mitinare bwa e na kabanea ana tikuri n te Ingiriti, e kaitibo Unimwaane McKay ma Jennifer Stone, are e a tibwa oki man te England Bristol Mtion. E kamatebwaia naba te Ingiriti. A mareaki naaka uoman aikai n te Oakland California Tembora n June 12, 1984.
Ma ana utu ngkai ngaiia nuukan maiuna, e taku Unimwaane McKay, ngaia ma Titita McKay e reke kimwareireia ae moan te korakora mairouia aia bakatibu. Ngkai a maeka te utu ae McKays i Kaysville, Utah, USA, a kabanea aia tai n tainako ma natiia aika ruaman i Huntsville, ike a maeka iai ana bakatibu ni moan 1860 tabun.
E angabeeba Unimwaane McKay ma te beeba n taokita ibukin te bowi ni motikitaeka n 1987 man te J. Reuben Clark n te Reirei n Tua i BYU ao n te tai ae waekoa e butimwaea te mwakuri ma te kambwana n tua i Portland, Oregon, USA. Imwiina e oki akon Utah ni karekea ana tai ma teuana riki te kambwana n tua imwaain butimwaean te nakoa ma te Kambwana ae Kroger. E mwakuri bwa te tia ibuobuoki ni beretitenti ibukin te Smith ao Fry, uoua mwakoron Kroger i Utah ao Arizona, USA, man 2000 nakon 2017.
Unimwaane McKay e beku bwa mai imwaaina bwa te bitiobi, kauntira ae rietaata, beretitenti n te titeiki, ao te Itingaun n Aono.