Unimwaane David P. Homer
Mataniwi ni Kabuta n Itingaun
Teuana ana ururing Unimwaane David P. Homern mai imwaaina ni kaineti ma te euangkerio ngkai e mwiokoaki ngke te 14 ana ririki bwa te tia reirei n te mweenga nakoia kaain ana uoote are “anaa ana tai ae onoti n nako n reirei n te mweenga.” e taku Unimwaane Homer. “Tiaki ibukin te nako n reirei n te mweenga ao kawarakiia aomata; bon taekan te mwakuri n ibuobuoki ibukin kainnanoia.”
Ngkai rao aika uoman, a tataro ibukin ao ni maroroakina aia utu ake a mwiokoaki irouia, tiaki ae te ikawai nakoia kairake ma nakoia aia roro nako n te mwakuri n ibuobuoki n te nakoanibonga. “I reiakinaki bwa te Tamnei e roko ma ao ao n irekereke ma te mwakuri n ibuobuoki,” e taku Unimwaane Homer.
Te reirei anne e tiku irouna ni kabuta maiuna ao ana mwakuri n ibuobuoki ae bati n te Ekaretia, ngkana tao e beku bwa Itingain n te Aono, te tia kairiiri n te netiuri, ke te tia rabakau ni bwai ni kaongora ake a kakatekaki n te raubaba ieta—te nakoa are e kakoroa bukina ngke e maeka ma kainaaban i Melbourne, Aotiteria.
E bungiaki David Paul Homern Eberi 25, 1961, i Salt Lake City, Utah, USA, irouia Frederick ao Phyllis LeNila Homer. Imwiin ana mition i Hong Kong man 1980 nakon 1982, e kaitibo ma Nancy Dransfield, e angabeeba mai Brigham Young University, n ana baeatiaite te intitute i Salt Lake City, ike e mwakuri ao n iriirira te kiraati n te University i Utah. A mareaki n te Salt Lake Tembora n on Turai 31, 1984. A kaiwaiia niman naati aine ao te nati te mwaane.
E reke ana tikuri Unimwaane Homer n te Ikanaomiki man te University i Utah ao te mwaatita tikuri n tararuan te bitineti man te Reirei ae Wharton n te University i Pennsylvania.
Inanon 30 te ririki n nakoana ae te tia kakoroi mooti ma General Mills, a maeka ngaia ma kainnabana i Miami, Florida, USA; Minneapolis, Minnesota, USA; Burlington, Ontario, Canada; ao Saint-Sulpice, Vaud, Switzerland.
E a tia ni beku Unimwaane Homer bwa te beretitenti n te titeiki, bitiobi, te beretitenti n te kooram n unimwaane, ao te tia koroboki ni kakoroi mwiin mooti. Ngkai te Itingaun n te Aono ao e moana ana mwakuri n ibuobuoki i Canada ao e reitinakoa i Eurobe, n te tabo ike e mwakuri aua te ririki n nako imwaain ae kamatoaki bwa Mataniwi ni Kabuta ni Maati 31, 2018.