Becky Craven
Kauoman ni Kauntira, Beretitentii ni Kabuta irouia Kairake n Ataeinnaine
Iai te taeka are e tibwaia Titita Becky Craven n tainako ngke e mitinare; “Ngkana ko ataia bwa antai ngkoe, ko kona ni mwakuri n te aro ae kaokoro.”
“Ao anne n arom nako—man aron oneam, arom n taetae, arom ni kaotiko ibon iroum, ao waaki ake ko irii,” e taku Titita Craven, are e beku ma kainnabana, Ronald L. Craven, ngke e tararua te Carolina Charlotte Mition Meang man 2012 nakon 2015.
Titita Craven e kamatoaki bwa te Kauoman ni Kauntira n te Beretitentii irouia Kairake n Ataeinnaine ni Maati 31, 2018. “Ngkana a moanna n nooria n ana baire the Atua, a na kona n nooria aroia n taai aika a na roko ibon irouia,” e taku neiei. “Ko riai n iai am taratara nakon taai aika ana roko. Ngkana akea, ko aki ataia bwa kona nakea ao ena kanga arom n roko ikekei.”
Rebecca Lynn Craven e bungiaki n Okitobwa 26, 1959, i Chardon, Ohio, USA, nakoia Corless Walter Mitchell ao Linda Louise Kazsuk Mitchell. E kakatonga n aranna bwa “te teei ae ikawairake irouia ana karo aika a mena n te taanga ni buaka,” e ikawairake i Texas, USA, are a kaina iai te Ekaretia ana utu ao a kabaeaki n te Swiss Tembora; England; Utah, USA, are e bwabetitoaki iai ngke e mwananga ana karo ni buaka i Vietnam; ao te U.S. titeiki i Maryland, Kentucky, Missouri, ao Kansas.
Mareaki n Aokati 5, 1980, n te Salt Lake Tembora, te Cravens bon kaaro irouia natiia aika niiman.
Imwain kamatoakina nakon nakoana ae boou, e beku bwa te kauntira n te Bootaki n Aine n ana uoote ao te tia mwakuri n te otenanti n te Bountiful Utah Tembora. E a tia naba ni beku bwa te beretitenti n aia bootaki n Ataeinnaine n ana uoote, membwa n te baba n tararua n te Bootaki n Aine, mitinare n te titeiki, ao te mataniwi n te Webelos.
Titita Craven e karekea ana baetura tikurii n te katamaroa inanon te auti man te Brigham Young University, are e beku iai bwa te komete n tararua ibukiia taan takakaro. E a tia naba n riki bwa te membwa n te baba n tararua n te RINERINE ibukin te Buoka, te bootaki ibukiia kainnano n te aonaaba are e tei i Utah.
E tatangiria n tamwarakei maunga, takakaro n te ran, nakonako n te tinoo, mwamwananga, korotamnei n te been, ituui rabuna, ao n takakaro ao waaki ni kakukurei ma ana utu.