Unimwaane Jack N. Gerard

Mataniwi ni Kabuta n te Itingaun

Ngke te ataeinimwaane, Unimwaane Jack N. Gerard e uti ni katoa bong tao nakon 5:00 n te iangabong. n ibuobuoki n tararuai mirikin aia kao ana utu. N ikawairake n te kaomiuniti n te tabo ni man irarikin Mud Lake, Idaho, USA, e reireinna bwa e na aki tii mwakuri korakora ao ni karaoi tabeman ma e ataa naba kakawakiia aomata ni kabane ngkai natin te Atua.

“Bane n iai tabeia aomata ao a mena ikai n iai bukina, n aki tabea ma te nakoa ke rietaatara aron maium,” e taku Unimwaane Gerard, are e kamatoaki ni Maati 31, 2018, bwa te Mataniwi ni Kabuta n te Itingaun. Te reirei anne e riki bwa te bwaintangira ni kabuta maiuna.

Nakoana, are e raonaki ma tabena ni kairiiri ibukin bwaai tabeua—n aron te National Mining Association, the America Chemistry Council, ao, ae aitibwa ngkai, the American Petroleum Institute—e anganna te katauraoi ma ana tai n reitaki ma aomata n aekakin nako anuan maiu.

E bungiaki Unimwaane Gerard n 1957 irouuia James ao Cecil Gasser Gerard. Imwiin ana beku n te Sydney Australia Mition, Unimwaane Gerard e reirei n te University i Idaho, ike e karekea ana mwakuri ni kataneiai ao ngkanne ai te mwakuri ae bwanin taina are e a riki bwa kaain te titaabu n ana tautaeka Idaho.

Ngke e mwakuri i Washington, D.C., e kaitibo ma Claudette Neff, are e mwakuri bwa te tia ibuobuoki n tiitabu nakon te tieneta i Utah. “E kakiaa ootan te euangkerio iaona,” e taekinna Unimwaane Gerard n aia boowi. A mare naaka uomaan aikai n Eberi 4, 1984, n te Salt Lake Tembora. Iai natiia aika waniman ao aman tibuia.

E reke uoua ana beeba Unimwaane Gerard iaon te baetira n te boritiko tiaeanti ao te beeba n taokita iaon te bowi ni motiki-taeka man George Washington University.

Unimwaane Gerard e mwakuri bwa te bitiobi, beretitenti n te titeiki, Itingaun n Aonto, te tia reirei n Reirein te Euangkerio, te beretitenti n te Reirei n Tabati.

E taku Unimwaane Gerard bwa ngaia ma kainnabana a tibwaua nanoia ni kan karaoa ana kantaninga te Uea. “Ngkai bon rabwata aika mamaara, ti kabaeaki bwa ti na karaoi baike e tangiri te Uea bwa ti na karaoi, ao ti karinanoira ao ni karineaki … ni katabui ara tai a ao ara konabwai nakon ana mwakuri te Uea.”