Unimwaane Steven R. Bangerter

Mataniwi ni Kabuta n te Itingaun

Ngke e ataei n tain te mwananga ni kaembing, Unimwaane Steven R. Bangerter ao ana utu a bwatika nako taubukin te maunga ni baoia ae onrake n te bareka. Iaon kawaina n ruo, e bua kawaina ao e a maenako mai irouia ake tabeman.

Ngke e katorobubua n te bwakantaai anne ni bubuti nakon Tamana are i Karawa ibukin buokana, n ana iango e noora te kawai are e a tia ni bua iai. N te tai are e ruorikaaki iai, “tariu e a roko i eta n te kawai iaon ana rebwerebwe, inga nakoiu, ao e kairai n oki rinanon te roo nakon te kaembwa, are bon teuana te aoa kaeana.”

Te kabuanibwai anne bon teuana mai ibuakon ae mwaiti are e a tia n namakina tangirakina inanon ataeina. “Akea te tai inanon maiu are I titiraki iai ngkana I tangiraki ke n tabeakinaki,” e taku Unimwaane Bangerter.

Unimwaane Bangerter e bungiaki i Salt Lake City, Utah, USA, nakoia Max E. ao Thelma R. Bangerter n Turai 29, 1961. E ikawairake i Granger, Utah.

Inanon wiiki n okina ni beku n te Canada Vancouver Mition, Unimwaane Bangerter e kaitibo ma Susann Alexis Hughes. N aia moan bong ni kaitibo, e namakinna ae iai nanona ni beku are e kaunga bwa e na tuanga ana rongorongo n aia kauatai ni kaitibo. Ti kabaeaki n te Salt Lake Tembora n Maati 17, 1983. A riki bwa aia karo nati mwaane aika onoman.

Unimwaane Bangerter e karekea ana baetura tikirii n te arts man te Arizona State University n ana kamatebwai n taekan te aro ao tikurii n taokita n te tua man te Western State University College iaon te Tua. Inanon 25 te ririki n nako, Unimwaane Bangerter e a tia n tei ibukiia ekaretia ao bootaki ake a boboto iaon te onimaki n te tua i Maiakin California ao i maiakin Utah. E katoaki ma Cooksey, Toolen, Gage, Duffy, ao Woog man 1993 nakon 2003 ao e riki bwa te manatia irouia toana aika Bangerter, Frazier, ao Graff in 2004.

Unimwane Bangerter e a tia ni beku bwa te Itingaun n te Aono, beretitenti n te titeiki, kauntira n te titeiki beretitentii, bitiobi, beretitenti n te kooram n unimwaane, ao te beretitenti irouia Ataeinimwaane n ana uoote.