Unimwaane José A. Teixeira

Beretitentii n te Itingaun

Unimwaane José A. Teixeira e uringa te reirei ae reiakinna ngke te ataeinimwaane ngaia i Portugal. N tain te ikotaki n te utu, e mwaawa n nako n akawa. E namakinna ae e riai n tuangiia ana karo te tabo ae na nako iai, ma e baireia bwa e na aki nako bukina bwa a rangin n tabetabe n taetae.

Tabeua te aoa imwiina, ana karo aika raraoma a kunea irarikin te karaanga. Man te taneiai anne, e reiakinna bwa e na aki ti ongo irouia ana karo ma nakon naba ana wirikiriki te Tamnei ae Raoiroi.

Man te tai anne, e kakauongo raoi Unimwaane Teixeira nakon te bwana, ae maraara. Ngaia ao ana utu a kabwarabwaraaki nakon te euangkerio n te 1976, imwiin ae kaukaki Portugal nakon te mwakuri ni mitinare. E bwabetitoaki ngke 16 ana ririki ao imwiina e beku bwa te mitinare n te Lisbon Portugal Mition.

“Iai n ara rinerine te mwaaka ae aki kona n totokoaki ni bita maiura,” e taku Unimwaane Teixeira, ni katabuaki bwa kaain te Beretitentii n te Itingaun ni Maati 31, 2018. “Te bwaintangira aei bon te kanikina inanora ae akea aekan kabotauana n aron onimakinara ao n te katabeaki ae na kabonganaki ma te wanawana,” e reirei n te maungatabu ni kabuta Eberi 2009.

Unimwaane Teixeira e karekea ana tikurii n te akaunti ao te bitineti management ao ni mwakuri ibukin te Ekaretia bwa te tibi akauntanti ni kabuta. E beku naba n te Botaki ni Kibakiba i Portugual bwa mwakoron ana iunite te NATO. N te tai anne, e weteaki bwa te taraekita n te bwaburiki abeati n te aba ibukin te Ekaretia. E aki maan imwiina, e kaitibo ma buuna, Maria Filomena Lopes Teles Grilo. A mareaki n te 1984 n te Bern Switzerland Tembora ao n riki bwa kaaro irouia ataei aika teniman.

José Augusto Teixeira da Silva e bungiaki i Vila Real, Portugal, n Beberuare 24, 1961. E a tia n riki bwa te kauntira n te bitiobiriki, te beretitenti n te mwakoro, te beretitenti n te titeiki, Itingaun n te Aono, ao te beretitenti n te Brazil São Paulo South Mition. E katabuaki bwa te Mataniwi ni Kabuta n te Itingaun n Eberi 5, 2008. E beku ngkai bwa te Beretitenti i Amerika Maiaki ao te aono ni Maiaki ao e na moana ana mwakuri n ibuobuoki nakon te Beretitentii n te Itingaun n Aokati 1, 2018.

Ae kakawaki riki, Unimwaane Teixeira e na reirei ma ngaira n te maungatabu ni kabuta n Eberi 2015 ni “kakorakorai otara iroun te Tia Kamaiu. … Ti na aki katikua nakon te ingabong te bwai ae ti kona ni karaoia n te bong aei. Ngkai naba ae ti riai n nakomai n iriira Kristo.”