Katuruturuan te Ibuobuoki

Reirei n te mweenga ao te reirei ni kakaawari a toki taia, Beretitenti Russell M. Nelson e katanoata n tain te tetere ni bwakantaain te Tabati n te maungatabu ni kabuta. “Te ibuobuoki,” te waaki ae “boou, e tabu karaoana,” nakon ana tararua Kristo nakoia tabeman, e na karekea te ikotaki ni mwakuriia kainnanoan te kainnano n tamnei ao n rabwata.

Titita Jean B. Bingham, Beretitenti ni Kabuta n te Bootaki n Aine, ao Unimwaane Jeffrey R. Holland man te Kooram n Abotoro n te Tengaun ma Uoman a taetae naba iaon aron te waaki ae boou ni kona ni katamaroa riki te mwakuri n te kooram n te Nakoanibonga ae te Merekitereka ao te Bootaki n Aine iaon te ibuobuoki n ai aron are e karaoia te Tia Kamaiu (tarai iteraniba 101 ao 104).

Raurere ao mwaeamwaite a kona ngkai ni beku bwa toaia tititati n te Bootaki n Aine iaon te ibuobuoki. Inanona intawiu ni katoa kuata, taari n ibuobuoki ao tititati a na reirei ma aia mataniwi iaon kainnaoia ao kakorakoraakiia naake a katabeaki ibukiia. Mwaitiia mataniwi n intawiu are a karaoia inanon te kuata e na riki bwa ti ngaia te kawai ni karaoan te ribooti. Te roko e kakaawaki ngkana e kona n reke, ma te ibuobuoki e aki kaairaki n te kawai n ibuobuoki n aron are e kabwarabwaraaki n reitaki ma ngaia ni katoa namwakaina.

“Kairake a kona n tibwa aia bwaintangira ae onoti ao n rikirake n tamnei ngkai a beku irarikiia ikawai n te mwakuri ni kamaiu” e taku Titita Bingham. Karekerekeaia kairake e na karaka naba te mwaiti irouia membwa n tararua ibukiia abeman ao ni buokiia kairake “n tauraoi riki ni kakoroa bukin tibwangaia bwa mataniwi n te Ekaretia ao te komiunitii ao ni karekea te kaitoatoa inanon aia utu.”

“Ngaira ni kautuun te Ekaretia ti aki kainnaoia bwa tina ata aron ke n te tabo raa ke ae kona kabooa kona karaoi reitaki ma am aomata,” e taku Unimwaane Holland; “ti bon tii riai n ata ao tararuana n aron are ko karaoia e na karika ao ngkoe ni kakabwaiaia n aro nako ake a kona.”

Ni kaineti ma te reta man te Moan Beretitentii, te bitaki e na anai tabeua te tai ma e riai ni karaoaki n te tai ae waekoa. Ministering.lds.org e karekea raon kabwarabwara, n ikotaki ma kaeka nakon titiraki aika aki toki n okioki. Kaetieti n te witeo ao bwaai ni mwakuri riki tabeua a na karinaki n te webutiaite ni banen wiiki aika a na roko.

Moanaki inanon Tuun, te Liahona e na karina aia bwai mitinare ni katoa namwakaina ae aranaki bwa “Tuan te Ibuobuoki” ni buokiia membwa bwa a na kona n oota n aron te riki n ai aron Kristo ngkai a uaia n ibuobuoki imarenaia.