Kaetieti aika Boou, Karaoakiia, ao Bwaai
Kairake ao mwakuri n te tembora. Te Moan Beretitentii a tia ni katanoatai bitakin taian tua n te tembora are e a angania ataeinimwaane ao ataeinaine te konaa ni karaoi riki mwakuri n te tembora ao ni buokia ataein te Moanrinan ni katauraoia raoi ni beku n te tembora.
Totokoa, kakoaua, ao tabeakinan mwakuri buaka. N reitaanako te kekeiaki n reireiniia tan kairiri bwa ana kanga n totokoa, kakoaua, ao tabeakinan mwakuri buaka, ni Maati 26, 2018, te Moan Beretitentii e kanakoa te reta ao rongorongo ibukin te ibuobuoki nakoia taan kairiri n te Ekaretia n te United States ao Canada. Te rongorongo e kaairaki ma kainibaire aika boou bwa ana kanga bitiobi ao titeiki beretitentii n reireiniia ake a rotaki man torobuakaakin bwain rabwataia ao ana kanga ni karaoa te intawiu ma kain te Ekaretia.
Bitaki nakon aia kaembwa te Bootaki n Ataeinaine. Bitaki nakon aia burokuraem ni kaembwa Ataeinaine n te Ekaretia, e kaairaki inanon te booki ni kairi n te kaembwa ae boou ae e na otinako n namwakaina aika imwaira, n ikotaki ma katokan kanakoan kakoaua ao katuruturuan te kairiiri n te roronrikirake.
E nanonaki n ae e “kaineti n tabo ni kabane” ibukiia ataeinaine ake a maeka n aonon te aonaba, te boki ni kairi ae e boou ibukin aia Kaembwa Kairake n Ataeinnaine e a tauraoi n te taetae n Imatang (ao rimwi n 23 taetae nako) bwa te bwai ni buobuoki nakoia beretitentii n ataeinaine, tan rabakau n te kaemba ao tan kairiri n aia kaembwa te roronrikirake iaon youngwomen.lds.org.
Karinan taian anene. Bitaki ngkai nakon waakin karinan anenen te Ekaretia e a waekoa ma ni bebete nakoia membwa karinan moan anene aika tabu n te Ekaretia. Anene a kona ni karinaki apps.lds.org/artcomp.
“How To” ana channel. Te Ekaretia e a tia ni moana karaoan te channel ae boou iaon te YouTube ae arana “How To” ni katauraoi kawai n ibuobuoki ni kaitarai kangaanga ae ti kaitarai n te maiu. Kaboana bwa te “channel ae onoti ibukin karekean buokam n te tai are ko kainanoia iai” te channel iai e raka iaon 600 video aika a kakaokoroaki inanon ruaiwa te koraki, teuana ibon irouna ma kakaokoron nako tamnei iaon boto ni iango aika a kakaokoro n te taetae ni imatang, ma tabeua n te taetae n Spanish ao Portuguese. Nora aio n lds.org How To.lds.org.
Rairan Booki Aika Tabu. E a tia te Ekaretia n taekinii babaire ibukin te makuri n rairairi ibukin 34 riki taetae, n ikotaki ma te kawai ae boou bwa aonga tabeman ni kamatebwaia mwakoron te reirairi imwain ae e nang kaotinakoaki are te kabanea n rairairi, are nanona bwa membwa a kona ni moantai ni karekei boki aika tabu n aia taetae.