Michelle D. Craig
Te Moan Kauntira, n te Beretitntii ni Kabuta n Ataeinaine
Ngke 16 ana ririki, Titita Michelle D. Craig, e reiakinna bwa ana mwaing ana utu mai Provo, Utah, USA, nako Harrisburg, Pennsylvania, USA, bwa e aonga ana karo ni wakina ana beku bwa te Beretitenti n te mition.
E kukurei ni botaki ma ana utu, ma mwaingiia e a karika te teei ae Michelle “n aki boibuako” inanon ana koraki nimaua ao ana koraki onoua ngke e reirei n te kauarinan.
“Akanne bon ririki ni karekeiango,” e taku Titita Craig. “N aron ae ko na onimakiniia raoraom, I kaatuua riki au iango iaoia au utu ao au koaua, ao te Ekaretia e a riki bwa buokau ao boutokaau.” E moanibwaia riki reitakina ma Tamana are Ikarawa ao te Tia Kamaiu.
E bungiaki Michelle Daines Craig n Turai 13, 1963, i Provo, Utah, ao bon te karimoa ibuakoia natin Janet Lundgren ao Robert Henry Daines III aika itiman. E maeka i Provo ni karokoa ae a mwaing ana utu nako Pennsylvania. Uoua te ririki imwiina, Titita Craig e a okira Provo n rin te Brigham Young University, ao e karekea ana beba ae te batira tikurii n te reirei n te moanrinan. N 1984 e a butimwaea te wewete bwa e na mitinare n te Dominican Republic Santo Domingo Mition.
“I bon riki n tainako bwa te tia kakoaua,” e taku Titita Craig, are e kamatoaki bwa te Moan Kauntiran n te Beretitentii ni Kabuta n ataeinaine n Maati 31, 2018. “Inanon kairakeu, I ataia ae ngai natin te Atua te aine. Ma I uringa [n au tai ni mition] ni katoaa te tai are I taekina au koaua iaon te Burabeti Iobebwa Timiti, I konaa n namakina te Tamnei. Iai te kamatoa ae e rang tikiraoi are e kanenea au koaua.”
Tabeua te bong imwin okina, mwanen Titita Craig e tuanga bwa e na riai n nako ni maroro ma Boyd Craig, raoraona man ana mition. Waniua te namakaina imwina ao a kabae n tangira. A mareaki n Tebetembwa 4, 1973, n te Tembora i Salt Lake City. Karo aika iai teniman natiia, ao iai onoman tibuia.
E a bon tia ni beku ni wewete aika mwaiti, ni ikotaki bwa te tia makuri n te tembora are i Utah ao te tia reirei n Reirein te Euangkerio. N te tai are e weteaki iai nakon te Beretitentii ni Kabuta irouia Ataeinaine, e bon riki bwa kain te baba n tararu n te Buraimari.