Unimwaane Ulisses Soares

Te Kooram n Abotoro n te Tengaun ma Uoman

Burabeti aika maiu, n ikotaki ma Beretitenti Russell M. Nelson, bon kanikinaean ana tangira te Atua ibukia natina, ana kakoaua Unimwane Ulisses Soares n tain ana moan taetae n te maungatabu ni kabuta ngkai te membwa n te Kooram n Abotoro n te Tengaun ma Uoman.

“Tiaki te kakabwaia karekeaia burabeti, taan mamata, ao taan kaotioti iaon te aba ni boong aikai ae ti maeka iai, aika a ukoukora ana kantaninga te Uea ao a iria? E karaunano ataakina bwa ti aki aki maroa n te aonaaba, ni kaitarai kaangaangan te maiu.”

E ngae ngke e namakina te aki tauraoi ao te aki tau nakon weteana ae te Abotoro, e taku Unimwane Soares, ana taeka Beretitneti Nelson ao “taraakin matana ae akoi ngke e kanakoa te tibwanga aei I namakinna bwa I kaonaki n ana tangira te Tia Kamaiu.”

Ni kamatoana n Maati 31, 2018, Unimwane Soares e riki bwa te moan Abotoro n te Ekaretia mai Latin America. Imwain weteana, e a tia n riki bwa te membwa n te Beretitentii n te Itingaun man Tianuare 6, 2013, ao e a tia ni mwakuri n ana beku ae okoro ibukin te Bitioburiki n tararua i Salt Lake City.

E weteaki Unimwane Soares bwa te Mataniwi ni Kabuta n te Itingaun n Eberi 2, 2005. Ao ni konabwaina anne, e riki bwa te kauntira n te Aberika Maiakimaeao ao n te Aono n Brazil Maiaki ao bwa te Beretitenti n te Aono ni Brazil.

E a tia Unimwane Soares ni beku n nakoa aika a mwaiti n ana rinerine ke ana wewete te Ekaretia. E a tia ni mwakuri ni mitinare ae bwanin taina n te Brazil Rio de Janeiro Mission, te Beretitenti n te kooram n unimwane, kauntira n te bitiobiriki, kaain te kauntira ae rietaata, te tia koroboki ni Kakoroi mooti n te titeiki, te tia tei n te warebea n te tabo, te beretitenti n te titeiki, ao Beretitenti n te Portugal Porto Mission man 2000 nakon 2003.

Teuana mai buakon weteana ae kakawaki e riki ngke 15 ana ririki, ngke e tuangaki iroun ana bitiobi bwa e na anga reirei nakoia kain te roronrikirake n te reirei n tabati n tai ae e uarereke. Ni katauraoan te reirei n aron karekean te koaua, te tei ae Ulisses e a iangoia bwa ena tataro ibukin karekean kamatoan kakoauaan te euangkerio.

“Ngke I katorobubua ao titirakina te Uea ngkana e koaua te euangkerio,” e uringnga, “e roko i nanou te namakin ae kakukurei, te bwana ae e uarereke are e kamatoa nakoiu bwa na ria n reitanako tiku iai E bon rang ni korakora n are I aaki kona n taekina bwa I aki ataia.”

N 1985 e karekea ana bebwa ae te bachelor of art n te accounting ao te economics man Reirein te Economic Science n te Sao Paulo Pontifical Catholic University. Imwin reken ana master ibukin te business administration degree, e a mwakuri bwa te accountant ao auditor ibukin te multinational corporations i Brazil ao te tarekita ibukin te temporal affairs n aobitin te Ekaretia i Sao Paulo aono.

E bungiaki Ulisses Soares i Sao Paulo, Brazil, n Okitobwa 2, 1958. E mare ma Rosana Fernandes n Okitobwa 1982. N ana taetae n te maungatabu ni kabuta, Unimwane Soares e kamoamoa kain abana ibukin ana tangiri ao ana boutoka

“E a tia n riki bwa te katooto n te tamaroa, tangira, ao motinnano ae babane nakon te Uea nakoiu ao au utu,” ni ikotaki ma tanga aika teniman natia ao teniman tibutoruia, e taekiina n ana taetae n te maugnatabu. “I tangiria ma nanou ni kabane, ao I kakaitau ibukin tamaroan aroarona ae e reke iroura.”