Ha’apotora’a nō te 188ra’a o te ’āmuira’a rahi nō ’Ēperēra

E ’ā’amu rahi teie ’āmuira’a rahi nō e rave rahi tumu, ’oia ato’a te fa’anaho-fa’ahou-ra’a-hia te pupu nō te autahu’ara’a a Melehizedeka ’e te ha’amatara’a o te hō’ē tau tāvinira’a. Penei a’e paha, te tīa’i rahi ’o tā tātou ïa rāve’a tāta’itahi nō te pāturu i te peresideni Russell M. Nelson ’ei 17ra’a o te Peresideni o te ’Ēkālesia a Iesu Mesia i te Feiā Mo’a i te Mau Mahana Hope’a Nei.

Hō’ē ’āmuira’a hanahana

I tō tātou ti’ara’a i ni’a ’e te pāturura’a i te hō’ē perophera ’e te peresideni, ’aita tō tātou rima i ’āfa’ihia i ni’a i tai’ohia e te hō’ē noa a’e parau tāpa’ora’a ; ’ua tāpa’ohia rā i te ra’i ’ei hō’ē fafaura’a e te Atua.

I te roara’a o te ’āmuira’a, ’ua ’ite tātou i te mau fa’a’itera’a ē ’o te ’Ēkālesia a te Fa’a’ora, arata’ihia e āna nō roto i tāna mau tāvini. ’Ua riro tātou ’ei mau ’ite nō te ti’ara’a o te hō’ē peropheta ora nō tō tātou aura’a tāta’itahi—e’ita e ti’a i ropu ’ia tātou ’e te Fa’aora e ti’a rā i tō tātou pae ’e e fa’a’ite i te ’ē’a haere ti’a i te Fa’aora ra. ’Ua fāri’i tātou i te rāve’a nō te fāri’i i te « hō’ē ’itera’a pāpū o te ta’ata hō’ē ē te pi’ira’a o te peresideni Nelson nō ’ō mai i te Atua ra » ’e te ha’amaura’a i tō « tātou vārua i te Fatu ia Iesu Mesia [nā roto i te] fa’aro’ora’a i te feiā tāna i tono mai » (hi’o Elder Neil L. Andersen i te ’api 26).

E nehenehe tātou e ha’api’i rahi mai nō ni’a i te peresideni Nelson i roto i te ’api 16 ta’a ’ē atu ’o te ’āpiti atu i te Ensign ’e te Liahona Mē 2018.

Pāturura’a i te feiā fa’atere ’āpī

Hau atu i te pāturura’a i te peresideni Nelson, ’ua pāturu ato’a tātou hau atu i te 70 feiā fa’atere ’āpī.

E ’itehia te hō’ē tāpura nō te feiā tei pāturuhia, ’oia ato’a te mau Hitu ’Ahuru ārea ’āpī, i te mau ’api 6–8, 28–29.
’A tai’o i te mau ha’apotora’a parau tuatāpapara’a nō te mau feiā fa’atere ’āpī i te ha’amatara’a o te ’api 121.

Mau tauira’a o te mau pupu ’e te fa’aterera’a

’Oi i te hi’ora’a a te mau peropheta, ’ua fa’aarahia te mau tauira’a i roto i te ’āmuira’a « teie te mau hi’ora’a nō te heheura’a [nō ’ō mai i te Atua] o tei arata’i i teie ’Ēkālesia mai te ha’amatara’a mai », ’ua parau o Elder Jeffrey R. Holland (hi’o ’api 101).

’A tai’o i te mau arata’ira’a nō ni’a i te ha’amau-fa’ahou-ra’a i te mau pupu nā roto mai i te peresideni Nelson, Elder D. Todd Christofferson, ’e Elder Ronald A. Rasband, ha’amata i te ’api 54.
’A tai’o i te mau arata’ira’a nō ni’a i te fa’aterera’a nā roto mai i te peresideni Nelson, Elder Holland, ’e te tuahine Jean B. Bingham, ha’amata i te ’api 100.
E ’itehia te tahi atu mau ha’amāramaramara’a nō ni’a i teie mau tauira’a ’e te mau rāve’a arata’ira’a i roto i te mau tuha’a ’āpī i te mau ’api 132–33.

Te tahi atu mau hiero

Nō te ha’apāpū i tā « mātou parau poro’i i tō te ao nei » ’o « tā mātou e ani manihini nei i te mau tamari’i ato’a a te Atua i nā pae e piti o te pāruru ’ia haere mai i tō tātou Fa’aora ra, ’ia fāri’i i te mau ha’amaita’ira’a o te hiero mo’a, ’ia fāri’i i te ’oa’oa vai māoro, ’e ’ia fāri’i i te ora mure ’ore », ’ua fa’aara te peresideni Nelson e hitu hiero ’āpī.

’A hi’o mai i hea teie nā hitu hiero e vai ai, i te ’api 133.