Lisa L. Harkness

Tauturu mātāmua, peresidenira’a rahi o te Paraimere

E mea au iho ā nā Lisa L. Harkness ’ia ha’api’i ’e tae noa atu te ta’ata ’ati a’e iāna, e huru tāna i ’apo mai mai roto mai i tōna nā metua. ’Ua tuatāpapa ’oia i te ’ihi poritita ’e ’ua ha’api’i ato’a ’oia nāhea i te tāpe’a i te mau ’animara mai te ’ōphi ’a ’ohipa ai ’oia i te fare manaha Monte L. Bean Life Science Museum, i te haerera’a ’oia i Brigham Young University.

Tē parau nei ’oia : « E huru ta’a ’ē tō rātou, ’aita e mana’ohia ? » « Tē vai ra hō’ē e ta’a ’ōna ’o vau terā, ’ia tāpe’a vau iāna. » Nō Howard, e ’ōphi « boa constricteur » tē ne’e nā ni’a i tōna tapono ē tāviri ’ati a’e tōna ’a’ī ’a tu’u atu ai tōna ’āfi’i i ni’a i tōna upo’o, tē ha’api’i ra ïa ’oia i te mau rātere e haere mai i te fare manaha.

I teie ā mahana, e nehenehe tāna e rave mai ’e e fa’ahiti i te parau nō te hō’ē huru ’ōphi—’eiaha ra rātou e ’āpā mai iāna.

’Ua fānauhia te tuahine Harkness i Los Angeles, i California (Marite), nā Ronald ’e LaRae Long i te 13 nō Tēnuare 1965. ’O ’ōna te matahiapo o nā pae tamari’i, e mea au roa nō tōna ’utuāfare « ’ia haere nō te hō’ē tere nā rāpae, e hi’o haere i te ao. » Tē parau nei ’oia ē, nō te mea e ti’a noa iāna ’ia ui i te uira’a i tōna nā metua, « ’ua ti’aturi roa vau e nehenehe tā’u e ti’aturi pāpū ē, e ti’a iāna ’ia haere i te Metua i te Ao ra nō te fāri’i mai i te mau pāhonora’a. »

’Ua tāvini ’oia i te hō’ē misiōni i roto i te misiōni reo pāniora nō Louisiana Baton Rouge, i muri iho, ’ua noa’a tā te tuahine Harkness parau tū’ite i BYU, e Licence nō te ’ihi poritita ’e te ’ohipa ha’api’ira’a i te tuarua. ’Ua fa’aipoipo ’oia ia David S. Harkness i te 22 nō ’Ēperēra 1988, i roto i te hiero nō Roto Miti. E pae tamari’i tā rāua ’e e piti mo’otua.

’Ua tāvini ato’a te tuahine Harkness—’oia tei tu’uhia e tauturu mātāmua i roto i te peresidenira’a rahi o te Paraimere i te 31 nō Māti 2018—’ei melo nō te ’āpo’ora’a fa’atere rahi o te Paraimere, ’ei peresideni Feiā ’āpī tamāhine o te titi, ’ei peresideni Sōtaiete Tauturu pāroita, ’ei tauturu i roto i te peresidenira’a Feiā ’āpī tamāhine pāroita, ’ei tauturu ha’apa’o i te mau Roti, ’ei fa’atere pūhapara’a Feiā ’āpī tamāhine, ’ei fa’atere ’ā’amu ’utuāfare o te titi, ’ei tauturu ’ā’amu ’utuāfare pāroita ’e ’ei ’orometua ha’api’ira’a ’evanelia.

’Ua tauturu ato’a ’oia i te tā’atira’a metua ’orometua o tōna vāhi, i roto i te ’āpo’ora’a huira’atira, te Utah Symphony, nā reira ato’a te ’ōro’a Timpanogos Storytelling Festival, ’e tae noa atu i ni’a i te tahi mau pārahira’a fa’aterera’a tīvira.