Tē fa’anaho-fa’ahou-ra’a o te mau pupu autahu’ara’a

I teienei, e ’āmuihia te pupu tahu’a rahi ’e te pupu peresibutero o te pāroita (’aore rā ’āma’a) ’ei hō’ē pupu peresibutero, ’ua fa’aara mai te peresideni Russell M. Nelson i roto i te tuha’a purera’a a te autahu’ara’a i te ’āmuira’a rahi. E tāmau noa te peresidenira’a titi i te tāvini ’ei peresidenira’a nō te pupu tahu’a rahi o te titi, i roto rā i te reira pupu, ’o te mau tahu’a rahi noa ïa e tāvini ra i roto i te peresidenira’a titi, te ’episekōpora’a, te ’āpo’ora’a teitei ’e te patereareha i ni’a i te tōro’a.

E fa’aterehia te pupu peresibutero e te hō’ē peresidenira’a e nehenehe e ravehia te peresibutero ’aore rā te tahu’a rahi. E fa’atae atu te peresideni pupu peresibutero i tāna parau fa’a’ite i te peresideni titi ’e e fārerei pinepine ’oia i te ’episekōpo. E’ita te mau tōro’a autahu’ara’a e taui. E ha’amāuruuruhia te peresidenira’a pupu peresibutero pāroita (’aore rā ’āma’a) nā reira ato’a te tā’āto’ara’a o te feiā fa’atere pupu tahu’a rahi, ’e e pi’i atu te peresideni titi i te hō’ē peresidenira’a pupu peresibutero ’āpī.