Te ’ā’amu ’utuāfare : ’Ite mai, ha’aputu, tū’ati

E ti’a i te mau tauturu ’ohipa hiero ’e ’ā’amu ’utuāfare e tauturu i te mau melo o te ’Ēkālesia ’e te mau melo ’ore ’ia fāri’i i te ’oa’oa nō te ’itera’a mai, te ha’aputura’a ’e te tū’atira’a i tō rātou hui tupuna, mai tā Elder Bradley D. Foster, Hitu ’Ahuru Hui mana fa’atere rahi ’e upo’o fa’atere nō te Tuha’a fa’atere o te ’ā’amu ’utuāfare a te ’Ēkālesia, i parau.

E ’ā’amu tā te ta’ata tāta’itahi mai roto mai i tō rātou ’ā’amu ’utuāfare. ’E e mau mea fa’ahiahia e nehenehe e tupu mai ’ia ha’amata ’outou i te mā’imi ’e i te ’ite mai ia rātou.

« Tā mātou tauto’ora’a i teie matahiti, ’o te tauturura’a ïa i te mau tauturu ’ia ’ite i tā rātou hōpoi’a e tauturu i te mau melo ’ia tupu terā huru ’ohipa », ’ua parau Elder Foster. « Tē rave hō’ē hō’ē nei mātou i te reira. Tē haere nei mātou e fārerei [i te mau ta’ata] i te vāhi ato’a tei reira rātou, ma te ha’apa’o ta’a ’ē ia rātou e ti’a tō rātou 12 matahiti ’e te feiā fa’afāriu ’āpī. » E ’āpī ’oi’oi teie nau ta’ata ’ia hi’o rātou i te huru te ’ohipa hiero e ha’apūai i te mau ’utuāfare nā roto i te mau tau mure ’ore, ’e pinepine ato’a rātou i te fa’atupu i te ’ana’anatae i roto i tō rātou mau hoa ’e tō rātou ’utuāfare.

E ti’a ato’a i te mau melo ’ore ’ia fāna’o i teie ’ohipa nō te ’itera’a mai, te ha’aputura’a ’e te tū’atira’a nā roto i teie ’ohipa tauturu hō’ē hō’ē e vai ra i roto i te mau pū ’ā’amu ’utuāfare e 5 000 nā te ao ato’a nei.