Itulau o le Lotoifale
O Se Fiafia i le Aoaoina—O Se fiafia i le Aoao Atu
O le sainia ai mo se avanoa faaleaoaoga i luga o le initoneti, o loo galue ai nei Rumetati Taarie e 24 tausaga i le faamaeaina o se kosi i le Tusi a Mamona.
Sa ia faamaeaina lana misiona i le Misiona a Sini i Matu i le 2014. Ao matou faatalanoaina na “ataata” ona mata ao ia manatuaina sa ia iloaina le faigata e malamalama ai i mea o fai atu ai tagata—e le gata o se luitau le latou tautala ae o le latou faaaogaina o slang sa matuai ese lava—ae, sa ia fiafia i le aoaoina e uiga i aganuu eseese ma o loo ia misia pea fegalegaleaiga matagofie sa ia fiafia ai iina.
Sa aafia Rumetati i le tele o isi luitau faigata ao lei alu i lana misiona. Sa maliu lona tuagane masaga ao laiti lava i laua ma sa tetea ona matua. Sa malaga o ia i Niu Sila ma lona tama ao valu ona tausaga mo se tafaoga i aso malolo ma faamanatu ai lona aso fanau lona iva i lena atunuu. E lei umi ae la feiloai ai ma faifeautalai o e na papatisoina o ia i totonu o le Ekalesia. O le mea e faanoanoa ai, na maliu lona tama i le 2003 ona tausia lea o ia e le tuafafine o lona tama.
Sa leiloa ia Rumetati fesootaiga uma ma lona tina ma sa le manatuaina o ia, pe ana le oo i se tasi aso ina ua ia toe foi atu i Kiripati i le maea ai o lana misiona, ao i ai i totonu o se faleoloa i le lotoifale, sa faalogo nisi o tagata o fesili lona tina pe i ai se tasi na te iloa Rumetati—na iu ai i se toe faatasiga!
Sa faigaluega Rumetati mo sina taimi o se tagata faasalalau mo le leitio ae na te lei faigaluega o se fesoasoani i le aoga tulagalua o JSSTUC1 i Kiripati; o se galuega sa ia fiafia lava i ai.
O lona fiafia i tamaiti na fesoasoani ia Rumetati e faia se filifiliga e amataina se polokalama suesue i le aoga tulagalua e tolu-tausaga. Fai mai o ia: “Ou te fia faiaoga i se aoga tulagalua ma e i ai se aso, i le lumanai, ou te fia faiaoga ai i sa’u lava fanau.”
Na gau le komepiuta feaveai a Rumetati i se taimi ua mavae—sa tuuina atu e se uo agalelei le faaaogaina atoa o lana komepiuta ia te ia ina ia mafai ai ona ia suesue i le Nofoaga Autu o le Siteki o Teapraerele. O le averesi o loo ia suesue ai e i le va o le 4–6 itula i aso taitasi ina ia mafai ona tuuina atu ana meaaoga i le taimi tonu lena.
E fiafia o ia e faitau tusitusiga paia ma e faia i aso uma. “Ou te lagonaina le alofa o le Tama Faalelagi i soo se taimi lava ou te faitauina ai tusitusiga paia—ma e matua ootia lava lo’u loto i tala o le faatuatua.”
A le o se malamalama faalelalolagi po o le faaleagaga, e matua faafetai Rumetati mo le aoaoina. Na te faamoemoe mo se lumanai sili atu ma malamalama ao ia aoao atu i isi mea sa ia mauaina le avanoa e aoaoina.