Itulau o le Lotoifale
Ina Ia Fesoasoani i le Afioaga—Ua Taunuu Se Miti Ua Leva na Faananau i ai o le Olaga
“Ou te fia avea ma se foma’i i se aso,” o le tala lea a Lyalyn Otia Nebati e 22 tausaga le matua ina ua ou fesili atu ia te ia pe aisea o loo aveina ai se kosi kemisi i luga o le initoneti: “Ma le isi,” sa ia faaauau mai, “Na aoaoina a’u e o’u matua afai ou te manao i se lumanai sili ona lelei e tatau ona ou suesue!”
E misia e Lyalyn lona tama lea na maliu i le 2009. O lona tina, lea e faananau i ai Lyalyn, o se matua lelei. E faigaluega o ia i le housing mo le malo ma tausia Lyalyn ma ona tei e toatolu (o le isi toalua lea ua ola tutoatasi i le taimi nei).
E matua alofa lava Lyalyn i tagata ma sa ia faasoaina mai ia te a’u se talanoaga sa ia faia talu ai nei ma se foma’i nifo lea na ta’ua ai le matua faaitiitia o fomai nifo i Atumotu o le Pasefika. Fai mai Lyalyn, “Ou te fia avea ma se foma’i—po o se foma’i nifo—o le fesoasoani atu i lo’u atunuu o se miti lea o le olaga atoa.”
Na fanau Lyalyn i se atunuu laitiiti ua ta’ua o Nauru. O loo nofo nei o ia ma lona tina ma ona tei i Tarawa, Kiripati ma aoga i luga o le initoneti e faaaoga ai le initoneti i le Nofoaga Autu o le Siteki a Teaoraereke faapea ai ma meatotino o le potu suesue. O loo ia faamoemoe e faauu mai i le Iunivesite o le Pasefika i Saute ma o loo ia tuuina atoa atu ni itula uumi, e le na o le suesueina o le kemisi, ae faapea foi i le Igilisi.
I le avea ai ma se tagata aoga muamua o le Aoga Maualuga o Moronae, sa ia aoao ina ia fiafia ma faalagolago i le fafagaina i aso uma lea e tuuina atu e le suesue i le talalelei. O le mea e lelei ai, e fiafia Lyalyn e aoao, ma ao i ai o ia i lana misiona i Filipaina sa ia faasoaina atu ma le naunautai lona malamalamaaga e uiga i le talalelei.
O Lyalyn o se tagata aoga filiga foi o le Inisitituti—e na o ni nai togi lava e tatau ona ia mauaina ao lei faauuina o ia. “Ou te fiafia i le Inisitituti,” o lana tala lea, “. . . e sili atu le loloto o le aafiaga o le aoaoina nai lo le Seminare. E aumaia ia te a’u se malamalamaaga sili atu e uiga i aoaoga faavae o le Ekalesia.”
Ae e le na o le pau ai lena! Na aoao Lyalyn i le auala e avea ai ma se tausiaiga. O taeao taitasi na te famamaina ai le fale ma fai ana feau ao lei aluese atu mo le kolisi ma le iloaina o ana galuega e faamanuiaina ai lona aiga atoa.