Gikan sa Unang Kapangulohan
Paghigugma sa Uban sama sa Paghigugma ni Jesus Nato
Ni Presidente Dallin H. Oaks
Unang Magtatambag sa Unang Kapangulohan
Gikan sa “Paghigugma sa Uban ug Pagpakabuhi nga may mga Panaglahi,” Liahona, Nob. 2014, 25–28.
Si Jesus mihatag sa Iyang mga disipulo og usa ka importante nga sugo: “Maghigugmaay kamo ang usa sa usa” (Juan 15:12). Isip mga sumusunod ni Kristo, kita kinahanglan nga magpuyo nga malinawon sa uban. Kana naglakip sa mga tawo kinsa wala magtuo sa samang mga butang nga atong gituohan.
Ania ang pipila ka paagi nga kita makahigugma sa uban sama sa paghigugma sa Manluluwas kanato:
-
Pagmabination ngadto sa mga tawo nga lahi.
-
Pagpakita og pagtahud alang sa ilang mga pagtuo.
-
Ayaw gayud panaugdaug o panginsulto sa uban.
-
Himoang maayo nga tigpaminaw.
-
Pagmatinahuron. Ayaw pakiglalis nga masuk-anon.
-
Barug sa unsay tinuod.
-
Sultihi ang uban mahitungod sa ebanghelyo sa mapainubsanong paagi. “[Sulti] sa kamatuoran pinaagi sa gugma” (Mga Taga-Efeso 4:15).
Ang mga sugo sa Manluluwas sa paghigugma sa uban sama sa Iyang paghigugma tingali mao ang atong labing dakong hagit. Mag-ampo ko nga kita maningkamot sa pagpakita og gugma sa tanan natong buhaton.