Mopakita ug Mosulti

Kinatibuk-ang Komperensya niining bulana! Ania ang unsay malingawan sa pipila ka bata mahitungod sa komperensya.

Abel C. ug Tina S., mga edad 10 ug 9, Bong County, Liberia, mga igsoon. Si Abel ganahan sa komperensya “tungod kay kana ang higayon nga kita mopaluyo sa atong propeta isip Presidente sa Simbahan matag tuig.” Si Tina “ganahan kon ang propeta maghisgot mahitungod sa mga templo.”

Si Anna B., edad 10, Maharashtra, India, nagtan-aw sa komperensya uban sa iyang mama. Iyang gidala ang iyang journal ug mga bolpen matag komperensya aron isulat ang mga pagpamatuod ug mga mensahe nga iyang madungog.

Sila si David ug Juliana M., nag-edad og mga 4 ug 6, South Holland, Netherlands, mibutang sa 15 ka panaksan og mga snack ug mibutang og litrato sa usa ka apostol o sakop sa Unang Kapangulohan sa matag usa. Kon ang usa sa mga Kaigsoonan mamulong, sila mokaon unsay anaa sa kopa!

Gusto ko nga maminaw sa propeta tungod kay ang Ginoo mamulong pinaagi kaniya.

Andrés C., edad 12, Valle del Cauca, Colombia

Ganahan ko nga magtan-aw sa komperensya tungod kay gusto ko nga makat-on gikan sa mga propeta, ug ako gusto nga mogahin niana nga panahon uban sa akong pamilya.

David J., edad 9, Sololá, Guatemala

Ako ganahan nga maminaw og mga istorya ug sa choir nga mokanta. Gusto usab ako nga maminaw sa mga sambingay nga ilang gihatag.

Yuri H., edad 8, Taoyuan, Taiwan