Mga Young Adult

Pagpangita ni Kristo diha sa Kangitngit sa Pornograpiya

Litrato gikan sa Getty Images, gigamit alang sa mahulagwayon nga mga katuyoan, gi-pose sa mga modelo

Sa pagplano og mga artikulo alang sa mga young adult, naggahin kami og daghang panahon sa paghunahuna mahitungod sa mga isyu nga ilang giatubang karon. Daghan kaayo og mga saad. Apan samtang kami nag-brainstorming alang niini nga bulan, kami gigiyahan ngadto sa usa ka hilisgutan nga nakaapekto kanato sa personal, sa atong mga higala, ug sa mas daghan pa: pagpakigdate ug pornograpiya. Nasayud kami nga ang pagplano niini nga seksyon lisud kaayo. Human sa tanan, ang pornograpiya nakaapekto sa daghan kaayong mga tawo sa mga paagi nga makapasakit kaayo, usahay makapaguba sa kinabuhi. Ug ang alang sa mga young single adult, makapahimo kini sa umaabut nga mas walay kasiguroan kay sa nahimo na karon, ilabi na sa pagpangandam alang sa kaminyoon.

Sa tinuod nakita namo ang kamot sa Ginoo nga naggiya sa among trabaho sa dihang nagsugod kami sa pagdawat og mga istorya gikan sa mga young adult kansang mga relasyon naapektuhan tungod sa pornograpiya. Ug nakita namo nga adunay mas labaw pa kay sa gamay nga paglaum alang sa kalipay, mahangturong mga kaminyoon nga walay adiksyon. Ngano? Tungod kay ang matag istorya nagpamatuod na makapausab sa kinabuhi, maghatag og paglaum, makapaayo nga gahum ni Jesukristo ug sa Iyang Pag-ula.

Mao nga kon kamo nakakaplag sa inyong kaugalingon sa usa ka relasyon nga naapektuhan sa pornograpiya, kami modapit kaninyo sa pagbasa sa seksyon niining bulana, mga artikulo nga walay pugong-pugong nga gipakigbahin sa uban kinsa nakahibalo gayud nga ang pakigbisog batok sa pornograpiya usa ka tinoud. Kini nga mga artikulo naghisgot sa mga hilisgutan sama sa unsaon sa paghisgot sa pornograpiya kon kamo nakig-date ug unsaon sa pagtubag niini (pahina 44), unsaon sa pagtubag kon ang usa ka tawo moangkon nga nakigbisog sa pornograpiya (digital lamang), sa unsa nga paagi nga ang kapasayloan ug pagkaayo posible alang sa duha ka tawo (digital lamang),ug sa unsa nga paagi ang Espiritu makagiya kaninyo nga makahibalo unsaon sa pagpadayon sa inyong relasyon (digital only).

Nasayud kami nga kon kamo mosalig sa Manluluwas ug modapit sa Espiritu nganha sa inyong kinabuhi samtang kamo mangita sa mga tubag, ang Langitnong Amahan mogiya kaninyo sa sakto nga direksyon alang sa inyong talagsaong sitwasyon. Ang kangitngit sa pornograpiya nagbontaug kaayo sa kalibutan, apan ang makaayo nga kahayag sa Manluluwas nagpahayag sa bisan unsa nga kangitngit. Ang buhaton lamang nato mao ang pagtinguha Kaniya.

Matinuoron,

Chakell Wardleigh ug Mindy Selu

Mga editor sa mga Magasin sa Simbahan sa seksyon sa young adult

• Niini nga Seksyon

  • Pagpakig-date ug Pornograpiya

    Pinaagi sa Liahona ug Family Services staff

• Digital Lamang

  • Giunsa Nako Pagkat-on Unsay Buhaton Kon ang Usa ka Tawo Moangkon nga Sila Nakigbisog sa Pornograpiya

    Ang ngalan gipugngan, Utah, USA

  • Pagpadayon human Masayri ang Paggamit og Pornograpiya sa Akong Pamanhunon

    Pangalan gipugngan, French Polynesia

  • Nakigbisog Ko sa Pagbuntog sa Pornograpiya. Nganong Dili Man Siya?

    Pangalan gipugngan, Guatemala

Labing Maayo nga Tambag …

Imbis mangayo sa mga young adult sa ilang labing maayong tambag alang sa tawo kansang boyfriend o girlfriend nakigbisog sa pornograpiya, karong bulana gikuha namo ang tambag gikan ni Presidente M. Russell Ballard, Akting nga Presidente sa Korum sa Napulog Duha ka mga Apostoles. Mitambag siya:

“Ang tanan nga inyong mahimamat adunay mga hagit sa kinabuhi. Ang pornograpiya mao ang usa sa dakong mga hagit nga atong giatubang karon. Hinoon, ang pornograpiya ingon og nagmadaugon sa paglaglag og mga kinabuhi, mga relasyon, ug mga pamilya.

“Si bisan kinsa nga naghunahuna og kaminyoon may katungod nga masayud sa tanan ug hingpit nga pagkamatinuoron uban sa iyang umaabut nga kapikas. Pag-istorya sa usag usa ug susiha kon asa ang kasingkasing sa tawo ug unsa ang iyang gibuhat aron mahimong ‘usa ka santos pinaagi sa pag-ula ni Kristo ang Ginoo’ (Mosiah 3:19). …

“Kon kamo anaa sa usa ka relasyon diin ang inyong ka-date sinsero nga naningkamot sa pagpangita og kagawasan gikan sa pagkaanad paggamit o pagkaadik niining ‘bag-o nga druga,’ kamo makahimo sa pagtabang kaniya. Daghan kaayong mga lalaki ug babaye nag-antus sa hilom tungod kay wala nato tuyoa nga nanghimaraut niadtong naadik sa pornograpiya. Ang mga ginikanan, mga sakop sa pamilya daghang mahimo sa pagtabang niadtong anaa sa problema pinaagi sa pagkaandam nga maminaw ug pagtanyag og suporta ug pag-awhag.

“Bisan pa niana, ang mga boyfriend ug girlfriend dili responsable sa ‘pagluwas’ sa ilang mga higala gikan sa sala; ang matag tawo aduna niana nga responsibilidad sa ilang kaugalingon.

“Kamo lamang ang makahukom, uban sa tabang sa Ginoo, unsaon sa pagpadayon sa usa ka relasyon diin ang pornograpiya adunay bahin sa kinabuhi sa usa ka potensyal nga umaabut nga kompanyon. Kon kamo mopili nga magpabilin sa usa ka relasyon uban sa usa ka tawo nga nakigbisog niini nga tintasyon, tabangi siya nga mobalik ngadto sa Ginoo pinaagi sa pag-ampo, sa pagpuasa, ug sa kanunay nga pagtuon sa kasulatan. Dugang pa, awhaga nga mobisita sa mga ginikanan, mga sakop sa pamilya, mga lider sa pagkapari, ug propesyonal nga mga magtatambag aron pagkuha og dugang nga tabang ug suporta.

“Kanunay adunay paglaum kon sila sinsero nga mopili sa pagpakig-away niini nga gubat. Dili kini sayon, apan kini bililhon gayud kaayo!”

Gikan sa usa ka pangutana ug tubag nga pakigpulong sa Brigham Young University niadtong Nobyembre 14, 2017.

Unsa ang labing maayo nga tambag nga inyong nadawat mahitungod sa pagplano alang sa umaabut? Ipadala namo ang inyong tubag sa liahona.ChurchofJesusChrist.org inig Oktubre 31, 2019.

Pangitaa kini nga mga artikulo ug daghan pa:

• Sa liahona.ChurchofJesusChrist.org

• Sa BH Matag Semana (ubos sa seksyon sa Batan-ong mga Hamtong sa Gospel Library app)

• Sa facebook.com/liahona

Ipakigbahin ang Inyong Istorya

Aduna ka bay talagsaon nga sugilanon nga mapaambit? O gusto ka ba nga makakita og mga artikulo mahitungod sa piho nga mga hilisgutan? Makasumiter ka sa imong artikulo o sa imong feedback sa liahona.ChurchofJesusChrist.org.