“Unsaon nako sa pagpangita og mga higala nga adunay maayo nga mga sumbanan?”

Ang Pagkamabination Mao ang Yawe

Ipakita kanila ang gugma ug pagkamabination. Ipakita nga kamo mopangga kanila ug sa ilang kalipay. Kon sila dili mopakita nga sila mapinanggaon kaninyo ug dili mabination, tingali kamo dili mopadayon niana nga panaghigalaay.

Madi B., nag-edad og 15, Arizona, USA

Sunda ang Inyong mga Sumbanan

Pagpakita og ehemplo sa pagsunod sa inyong mga sumbanan. Ug kon kamo adunay mga higala nga dili pareho og mga sumbanan, ipakita nila nga sila espesyal sa panan-aw sa Dios. Si Jesus nahigugma sa tanan ug mitudlo kanila sa pagsunod sa Iyang mga pamaagi.

Bernard B., nag-edad og 19, Palawan, Philippines

Ipaambit ang ebanghelyo

Kamo makakita og bag-ong mga higala nga adunay maayong mga sumbanan pinaagi sa pagtudlo uban sa mga misyonaryo. Sila nakaila og pipila ka mga batan-on kinsa nagkinahanglan og higala diha sa Simbahan.

Elder Quintanilla, nag-edad og 20, Barbados Bridgetown Mission

Pag-ampo alang sa Inyong Higala

Mag-ampo ko og maayo aron makita kon ang akong mga higala mao ang saktong mga higala kinsa makatabang nako sa pagtuboy sa akong mga sumbanan ug sa akong pagmatuod ni Jesukristo.

Imanol M., nag-edad og 18, Chihuahua, Mexico

Ang Dios Motabang Kaninyo

Akong nakaplagan nga kon ako mogawas sa pagpangita sa mga tawo nga nagpakita sa kahayag ni Kristo, kana nakahimo sa tanang kalainan. Ang Langitnong Amahan nakahibalo sa imong mga tinguha ug kon ikaw mohimo sa imong bahin, nan Siya motubag niadto nga mga pag-ampo.

Olivia T., nag-edad og 18, Utah, USA