Si Jesukristo Mao ang …

Tiglalang

“Siya pagatawgon og Jesukristo, ang Anak sa Dios, ang Amahan sa langit ug sa yuta, ang Tiglalang sa tanan nga mga butang gikan sa sinugdanan” (Mosiah 3:8).

Maayo nga Magbalantay

“Ang maayo nga magbalantay nagtawag kaninyo; oo, ug diha sa iyang kaugalingon nga ngalan siya nagtawag kaninyo, diin mao ang ngalan ni Kristo” (Alma 5:38).

Usa nga Balaan sa Israel

“Tan-awa, ang dalan sa tawo mapig-ot, apan kini gihan-ay sa usa ka matul-id nga agianan sa iyang atubangan, ug ang magbalantay sa ganghaan mao ang Usa nga Balaan sa Israel; ug wala siya mogamit og sulugoon didto” (2 Nephi 9:41).

Kordero sa Dios

“Ang Kordero sa Dios mao ang Anak sa Amahan sa Kahangturan, ug ang Manluluwas sa kalibutan; ug … tanang mga tawo kinahanglan gayud nga moduol ngadto kaniya, o sila dili maluwas” (1 Nephi 13:40).

Mesiyas

“[Si Lehi] mipamatuod sa mga butang diin siya nakakita ug nakadungog, ug ingon usab sa mga butang nga siya nakabasa diha sa basahon, dayag nga nagpakita sa pag-anhi sa usa ka Mesiyas” (1 Nephi 1:19).

Bugtong nga Anak

“Busa bisan kinsa ang maghinulsol, ug dili magpatig-a sa iyang kasingkasing, siya makaangkon sa kalooy pinaagi sa akong Bugtong Anak, ngadto sa kapasayloan sa iyang mga sala” (Alma 12:34).

Manunubos

“Ako nasayud nga ikaw natubos na, tungod sa pagkamatarung sa imong Manunubos; kay ikaw nakasabut nga diha sa kahingpitan sa panahon siya moabut nga magdala sa kaluwasan ngadto sa mga tawo” (2 Nephi 2:3).

Manluluwas

“Kon kini mao nga kamo motuo kang Kristo, ug gibunyagan, una uban sa tubig, unya uban sa kalayo ug uban sa Espiritu Santo, nagsunod sa panig-ingnan sa atong Manluluwas, … kini mahimo nga maayo diha kaninyo sa adlaw sa paghukom” (Mormon 7:10).

Anak sa Dios

“Tungod kay siya nagpuyo diha sa lawas siya pagatawgon nga Anak sa Dios” (Mosiah 15:2).