Sama sa Unsa ang Jerusalem sa Panahon ni Lehi?

Enero 6–12 1 Nephi 1–7

Ang ulohang siyudad sa gingharian sa Juda, puno sa politikanhong intriga ug pagkadautan. Ang milabay nga dekada dautan kaayo. Ang mga hari sa Juda gipamatay o gibihag; mga Judeo gipugos sa pagpamartsa ngadto sa Babelonia; mga propeta, sama ni Jeremias, gihulga ug gibilanggo. Kini dili ikatingala nga ang Ginoo misulti ni Lehi sa pagbiya (tan-awa sa 1 Nephi 2:1–2).

Populasyon: 25,000 (dako basi sa karaang mga sumbanan)
Yuta: kamingawan, tambok nga mga walog, naghandag nga mga bungtod
Salapi: gibug-aton sa kwarta (plata, tumbaga, bulawan; walay mga sinsilyo)
Pinulongan: Hebreo
Mga trabahador: mga tawo nga hanas sa usa ka trabaho, mga negosyante, mga ulipon (gipakasakop sa pamilya); kadaghanan usab mag-uma
Pagkaon: prutas, pan, olivo, igos, linat-ang karne
Saput: sapnot nga panaptong delana, mga sandal; puti nga kupo alang sa mga pari
Relihiyon: naghaylo og kadautan, nag-ampo og dios-dios; mini nga mga propeta nagpahayag og kalinaw; nagbudyong og sungay sa toro nga nagpahibalo sa inadlaw nga pag-ampo
Sosyal nga katukuran: patriyarkal, lakip ang mga anciano sa siyudad, mga pangulo sa mga pamilya, ug ang hawud, o “mga lalaki nga maayo og kagikan”
Mga pamilya: mga pamilya naglangkob sa daghang mga panimalay nga naglibut og nataran, gipangulohan sa amahan. Naglakip sa mga pamilya sa mga anak nga lalaki, dili minyo nga mga anak nga babaye ug mga iyaan, ug nagkatigulang nga mga paryente.
Militar: karon wala. Bisan kinsa nga mga sundalo mga taga Babelonia, ngadto kinsa ang Juda nagbayad og buhis.