Gikan sa Unang Kapangulohan

Ang Bililhon nga Basahon ni Mormon

Ni Presidente Russell M. Nelson

Gipahiangay gikan sa “Ang Partisipasyon sa mga Sister sa Pagpundok sa Israel,” Liahona, Nob. 2018, 68–70; ug “Ang Basahon ni Mormon: Unsa kaha ang Imong Kinabuhi Kon wala Kini?” Liahona, Nob. 2017, 60–63.

Unsa ka bililhon ang Basahon ni Mormon diha kanimo? Kon itanyag kanimo ang mga diamante o mga ruby o ang Basahon ni Mormon, hain ang imong pilion? Ang Basahon ni Mormon sa pagkatinuod mao ang pulong sa Dios. Nagtudlo kini mahitungod ni Jesukristo.

Ako nagdapit kanimo sa pagbasa sa Basahon ni Mormon kada adlaw. Pag-ampo ug paghunahuna mahitungod sa unsay imong gikat-unan.

Samtang imong buhaton kini, ako nagsaad:

• Bation nimo nga mas duol sa Manluluwas.

• Makahimo ka og mas maayong mga desisyon—kada adlaw.

• Ang Langitnong Amahan motabang ug modasig kanimo.

• Makahimo ka sa pagbuntog sa mga tintasyon.

• Kini mohupay kanimo, mohimo kanimo nga lig-on, ug modasig kanimo.

• Mga kausaban ug mga milagro mosugod sa pagkahitabo!

Unsa ka Bililhon Ang Basahon ni Mormon nganha Kanimo?

Niini nga tuig kami mangolekta og mga istorya, mga litrato, ug mga drowing mahitungod sa bililhon nga Basahon ni Mormon. Kini among i-display ug imantala ang pipila kanila diha sa magasin!

Sa dihang nakakat-on ko sa pagbasa, ang akong inahan mihatag kanako og Basahon ni Mormon ug mihangyo kanako sa pagbasa niini isip pagpangandam alang sa akong bunyag. Sukad niana, ako nagbasa niini matag adlaw. Ang akong paborito nga istorya mao ang dihang nakita ni Lehi ang Liahona.

Keyla S., edad 7, Siyudad sa Mexico, Mexico

Mihatag ako og Basahon ni Mormon sa usa sa akong mga klasmeyt sa eskwelahan.

Felipe M., edad 9, São Paulo, Brazil

Ari K., edad 9, Nuevo León, Mexico

“Tree of Life, [Kahoy sa Kinabuhi]” Russell K., edad 8, North Carolina, USA

Ipadala Kanamo ang Inyong Art o Kasinatian!

1. Pagdrowing og hulagway, pagkuha og litrato o pagsulat mahitungod sa Basahon ni Mormon.

2. Ipadala kini kanamo! Tan-awa ang luyo nga hapin sa pagsusi kon unsaon.

3. Tan-awa ang Higala kada bulan aron makita kon sa unsang paagi nagsunod ang mga bata sa pagdapit ni Presidente Nelson sa pagbasa sa Basahon ni Mormon.