Nagplano sa Umaabut, Nadasig sa Nangagi
Alang sa kadaghanan sa kalibutan, ang bag-ong tuig mao ang panahon sa paghunahuna sa umaabut. Apan kini usab usa ka panahon sa pagkat-on gikan sa nangagi. Niini nga interseksyon kon diin kita gikan ug asa kita padulong, makaplagan nato ang mga oportunidad sa paglambo.
Niana nga diwa, kini nga isyu wala lamang magpagawas og makapadasig nga bag-ong mga kausaban alang sa umaabut, apan kini usab nagsusi sa atong nangagi aron masabtan ang atong bahin sa unsa ang moabut.
Niini nga tuig atong gisaulog ang ika-200 nga anibersaryo sa Unang Panan-awon. Ang Unang Kapangulohan ug ang uban nag-andam og usa ka sunod-sunod nga mga artikulo nga nagsusi sa nangagi ug nagtabang kanato sa paghulma sa atong umaabut. Niini nga bulan si Presidente M. Russell Ballard, Akting nga Presidente sa Korum sa Napulog Duha ka mga Apostoles, nagtabang kanato sa pagsabut sa atong buluhaton sa nagpadayong Pagpahiuli sa gingharian sa Dios ug sa Iyang mga paningkamot sa pag-andam kanato alang sa Ikaduhang Pag-anhi (tan-awa sa pahina 12).
Nagplano sa umaabut, kini nga isyu naghatag usab og mga kapanguhaan alang sa bag-ong paningkamot sa Simbahan sa pagsuporta sa mga kabataan ug kabatan-onan (tan-awa sa pahina 20 ug 26) ug nagsugod og kurso sa pagtuon sa Basahon ni Mormon alang sa mga indibidwal ug mga pamilya (tan-awa sa mga pahina 34 ug 38). Ang sulod sa atong mga mensahe alang sa kabatan-onan nagpaila sa bag-ong tema sa mga kabatan-onan (tan-awa sa mga pahina 56 ug 60).
Kami nanghinaut nga ang Liahona magpadayon nga usa ka bililhong kapanguhaan sa pagsuporta sa inyong panimalay nga nakasentro sa pagtuon sa ebanghelyo samtang kita nag-uban sa pagpadayon, nadasig pinaagi sa kauswagan sa nanglabay nga panahon.
Ni Adam C. Olson
Tigdumalang Editor