Mi Stap Lukluk long Fiuja From Taem we I Pas i Leftemap Mi
Long plante long wol, niufala yia i wan taem blong tingting i go long fiuja. Be tu, hem i wan taem blong lanem samting aot long wanem we i bin pas. Long krosrod ia, we yumi luk se yumi bin stap wea, mo weaples yumi stap go long hem, yumi faenem ol janis blong groap.
Wetem semfala spirit ia, namba ia i gat sam niu jenis we oli gud tumas blong fiuja, be tu, hem i lukluk long pas blong yumi blong save andastanem pat blong yumi long wanem we i stap kam.
Long yia ia yumi tingbaot 200 yia blong Fas Visen. Fas Presidensi mo ol narawan oli bin rere samfala atikol i stap, we oli lukluk long wanem i bin pas finis, mo i stap helpem yumi blong jenisim fiuja blong yumi. Long manis ia, Presiden M. Russell Ballard, Akting Presiden blong Kworom blong Olgeta Twelef Aposol, i helpem yumi blong andastanem ples blong yumi long wok ia, we i gogohed, blong putumbak kingdom blong God, mo ol hadwok blong Hem blong mekem yumi rere from Seken Kaming (luk long pej 12).
Taem hem i stap lukluk i go long fiuja, namba ia i givim tu samfala risos blong niufala wokrod blong Jos blong sapotem ol pikinini mo ol yut (luk long ol pej 20 mo 26); mo semtaem, i presentem stadi kos blong Buk blong Momon blong wanwan man, woman, mo famli (luk long ol pej 34 mo 38). Wanem i stap insaed blong ol yut, i presentem niufala stamba toktok blong ol yut (luk long ol pej 56 mo 60).
Yumi hop se Liahona i gohed blong i stap wan impoten risos blong stap sapotem hom senta gospel stadi taem yumi stap muv fored tugeta, wetem progres blong pas we i stap pusum yumi long hem.
I Kam long Adam C. Olson
Manejing Daerekta: