Kam Folem Mi: Buk blong Momon
?Jerusalem I Olsem Wanem long Taem blong Lihae?
6–12 Jenuware 1 Nifae 1–7
Foto i kam long Getty Images
Kapitol taon blong kingdom blong Juda, i fulap wetem problem blong politik mo fasin nogud. Ol pas ten yia oli bin rabis evriwan. Oli bin kilimded ol king blong Juda; Ol Man Jiu oli mas maj i go long Babilon; ol profet olsem Jeremaea, ol man oli tok nogud long olgeta mo oli sarem olgeta long kalabus. I no wan sapraes we Lod i talem long Lihae blong ronwe (luk long 1 Nifae 2:1–2).
-
Populesen: 25,000 (we i bigwan folem ol standet blong bifo)
-
Graon: draeples, ol vale wetem rij graon, mo ol hil we i no hae tumas
-
Mane: mane we oli skelem (silva, kopa, gol; i no gat koen)
-
Lanwis: Hibru
-
Man paoa: ol man we oli wokem samting long han, ol smol bisnis man, ol slef (we oli tekem olsem ol memba blong famli); plante oli mekem fam
-
Kaekae: frut, bred, olif, fig, mit
-
Klos: strong wul, sandel; waet longfala klos blong ol pris
-
Relijin: i no stret, wosipim aedol; ol giaman profet oli talemaot pis; wan bubu we oli wokem long hon blong sipsip i anaonsem taem blong mekem prea, evri dei
-
Laef long sosaeti: i folem laen blong ol man, we i gat ol elda blong taon, ol jif blong ol famli, mo olgeta we oli gud tumas, o “ol man we oli bon long gudfala laen”
-
Famli: Wan ful haos i plante smol hom we oli stap raon long wan emti spes long medel, mo papa i lidim ful haos ia. Insaed i gat ol famli blong ol boe, ol gel mo ol anti we oli no mared yet, mo olgeta memba blong famli we oli stap kam olfala.
-
Ami: i no gat wan long tetaem ia. Eni soldia blong Ol Man Babilon, we Juda i stap ona long olgeta.