Ol Dia Papa mo Mama,

Dear Parents

!Mifala i glad blong statem wan niu yia wetem yufala! Bae yumi lanem abaot Buk blong Momon tugeta. ?Wanem stori blong Buk blong Momon nao famli blong yu i laekem? Plis, helpem ol pikinini blong yu blong oli droem wan pikja mo sendem i kam long mifala (luk long pej F3). !Bae yumi soem sam long ol droing ia insaed long magasin long yia ia! Hemia sam narafala pej abaot Buk blong Momon we oli stap long namba ia:

• Wan mesej we i kam long profet (pej F2)

• Wan riding jat (ol pej F12–F14)

• Wan skripja stori aktiviti (pej F16)

• Wan stori abaot famli blong Lihae mo Saraea (ol pej F20–F23)

• Wan stori abaot wan boe we i faenem wan niu wei blong ridim Buk blong Momon (ol pej F4–F5)

!Hapi Niu Yia!

Fren

Hao blong Sendem Ol Wok blong Art blong Pikinini blong Yu, o Eksperiens blong Yu i go long Liahona

Go long liahona.ChurchofJesusChrist.org mo klikim “Submit an Article or Feedback.” O sendem imel i go long [e-mail] tugeta wetem nem blong pikinini blong yu, yia blong hem, siti we yu stap long hem, mo toktok ia we i givim raet: “Mi, [putum nem blong yu], givim raet long Jos Ia blong Jisas Kraes blong Ol Lata–dei Sent blong yusum wok blong pikinini blong mi long ol magasin blong Jos, long ol Websaet blong Jos, mo long ol sosol media.” !Mifala i no save wet blong harem yufala!