Kam Folem Mi:Buk blong Momon
?Wijwan Kaen Buk Nao Buk blong Momon I Kamaot long Hem?
30 Disemba–5 Jenuware Ol Fas Pej
Plante profet blong bifo oli bin raetem Buk blong Momon; oli bin raetemdaon ol toktok blong olgeta long ol buk we oli wokem long ol defren aean. Afta long hemia, ol rekod ia, oli bin raetem i kam sot blong krietem wanem oli singaotem ol buk blong Momon, o ol buk we oli wokem long gol we Josef Smit i bin transletem.
Toktok Raon
Komperem wetem evri samting we hem i bin save raetemdaon long ol buk ia we oli wokem long gol, Momon mo ol narawan oli bin kasem insperesen blong jusum wan smol pat nomo blong stap long Buk blong Momon (luk long Ol Toktok blong Momon 1:5 mo 3 Nifae 26:6). ?Olsem wanem nao hemia i lidim lukluk blong yu abaot ol japta ia we yumi gat tedei?
Samfala long ol buk we oli yusum blong mekem ol buk blong Momon
Ol Smol Buk blong Nifae (600 BKB–130 BKB*): 1 Nifae, 2 Nifae, Jekob, Inos, Jerom, Omnae
Ol Bigfala Buk blong Nifae (600 BKB–385 AKB): Lihae, Mosaea, Alma, Hileman, 3 Nifae, 4 Nifae, Momon 1–7
Ol Buk blong Ita (samples 2,300 BKB–samtaem 130 BKB)
Ol Buk we Oli Wokem long Bras (4,000 BKB–600 BKB): Plante kwot aot long ol buk ia oli stap long Buk blong Momon.
Ol buk blong Momon we oli bin givim long Profet Josef Smit
Buk blong Lihae (pat blong raeting we Momon i bin raetem i kam sot; olgeta 116 pej we Martin Haris i bin lusum)
1 Nifae i go kasem Omnae (oli no raetem sot; oli tekemaot long ol smol buk blong Nifae)
Ol Toktok blong Momon Eksplenesen blong Momon abaot risen from wanem hem i tekem ol smol buk blong Nifae
Mosaea i go kasem Momon 7 (Momon i raetemsot ol bigfala buk blong Nifae)
Momon 8–9 Moronae i komplitim buk blong papa blong hem
Ita (Moronae i bin raetemsot ol buk blong Ita)
Moronae Insaed long ol raeting blong Moronae, i gat taetol pej i stap
Pat ia we i sil i stap