2020
Impoten Buk blong Momon
Jenuware 2020

I Kam long Fas Presidensi

Impoten Buk blong Momon

I Kam long Presiden Russell M. Nelson

Presiden Russell M. Nelson

Oli stretem aot long “Ol Sista Oli Tekpat long Kam Tugeta blong Isrel,” Liahona, Nov 2018, 68–70; mo “Bae Laef blong Yu I Olsem Wanem Sapos Yu No Gat Buk Ia?” www.churchofjesuschrist.org/general-conference/conferences?lang=bis, Okt 2017.

The Precious Book of Mormon

?Buk blong Momon i rili impoten long yu o no? “?Sapos oli givim ol daeman o ol rij ston, o Buk blong Momon, wijwan nao bae yu jusum? I rili tru we Buk blong Momon i tok blong God. Hem i stap tij abaot Jisas Kraes.

Mi stap invaetem yu blong ridim Buk blong Momon evri dei. Prea mo tingting abaot wanem yu stap lanem.

Taem yu stap mekem olsem, mi promes se:

  • Bae yu harem se yu stap kolosap moa long Sevya.

  • Bae yu mekem ol moa gud desisen—evri dei.

  • Papa long Heven bae i helpem mo givim insperesen long yu.

  • Bae yu gat paoa blong winim ol temtesen.

  • Bae i givim kamfot long yu, mekem yu strong, mo leftemap tingting blong yu.

  • !Ol jenis mo ol merikel bae oli stat blong hapen!

?Buk blong Momon i rili impoten long yu o no?

Long yia ia, mifala i stap putum tugeta ol stori, ol foto, mo ol droing abaot hamas nao Buk blong Momon hem i impoten. !Bae mifala i soem sam long olgeta, mo samfala, bae mifala i pablisim insaed long magasin!

Taem mi bin stap lan blong rid, mama blong mi i givim mi wan Buk blong Momon, mo i bin askem mi blong ridim blong stap rere from baptaes blong mi. Stat long tetaem ia, mi stap ridim evri dei. Stori we mi laekem tumas, i taem we Lihae i bin faenem Liahona.

Keyla S., 7 yia, Meksiko Siti, Meksiko

Mi bin givim wan Buk blong Momon long wan fren blong mi long skul.

Felipe M., 9 yia, Sao Paolo, Brasil

Ari K., 9 yia, Nuevo León, Meksiko

“Tree of Life,” Russell K., 8 yia, Not Karolina, YSA

!Sendem Art, Droing o Eksperiens blong yu!

  1. Droem wan pikja, tekem wan foto, o raet abaot Buk blong Momon.

  2. !Afta yu sendem i kam long mifala! Luk long kova long bak blong faenemaot olsem wanem blong mekem.

  3. Lukluk insaed long Fren evri manis blong luk olsem wanem ol pikinini oli stap folem invitesen blong Presiden Nelson blong ridim Buk blong Momon.