Kam Folem Mi: Buk blong Momon
?Frut Ia long Visen blong Lihae I Simbol blong Wanem?
13–19 Jenuware 1 Nifae 8–10
Tri blong Laef, i kam long Kazuto Uota, © 2015 i kam long Intellectual Reserve, Inc. Oli holem evri raet.
Long visen blong Lihae, frut ia, we “hem i samting we evri man i wantem moa i bitim evri narafala samting,” i simbol blong wanem? (1 Nifae 11:22).
“Frut antap long tri, i wan saen blong ol blesing blong Atonmen blong Jisas Kraes. Blong tekem mo kakae frut blong tri ia, i ripresentem blong kasem ol odinens mo ol kavenan, we tru long olgeta, Atonmen bae i save wok fulwan insaed long laef blong yumi” (David A. Bednar, “Lehi’s Dream: Holding Fast to the Rod,” Liahona, Oct. 2011, 34).
Olgeta odinens ia, i gat, baptaes, konfemesen, sakramen, prishud odinesen blong ol man, mo ol tempol odinens.
Stap Faenem Frut
Aean rel, o toktok blong God, i lidim yumi long Jisas Kraes from se ol skripja mo ol profet blong tedei oli stap invaetem yumi blong tekpat long ol odinens mo ol kavenan, mo oli stap helpem yumi blong andastanem ol tijing, misin, mo sakrifaes blong Jisas Kraes.
-
?Wanem toktok we i kamaot long ol skripja o long ol profet blong tedei we oli bin lidim yu i go long Jisas Kraes?
Stastap Wetem Frut
Sam pipol insaed long visen blong Lihae, oli bin lego frut from fasin blong ol narawan blong oli jikim mo daonem man. Blong gohed blong stap wetem frut ia, hem i blong stap tru long ol kavenan blong yumi, mo blong stap go long ol ples ia we oli stap mekem olgeta kavenan ia.
Stap Serem Frut Ia
Afta we Lihae i bin kakae long frut ia, hem i bin wantem serem wetem famli blong hem blong oli save filim “bigfala glad we i bigwan tumas” (1 Nifae 8:12).
-
?Olsem wanem yu save serem lav blong yu long Jisas Kraes mo helpem ol narawan blong oli tekpat long ol odinens?