Talofa mai le Vao Paia!
Talofa, o ma’ua o Margo ma Paolo.
O le masina lenei, ina ia faamanatuina le Toefuataiga, o loo ma asiasi atu i le nofoaga lea na tupu ai le Uluai Faaaliga i le 200 tausaga ua mavae!
Ina ua 14 tausaga o Iosefa Samita, sa nofo o ia i se fale ogalaau i Niu Ioka, ISA. E toalima ona uso ma tuafafine e toatolu. Sa ia usiusitai i ona matua ma sa faauo i isi. Sa ia faitauina le Tusi Paia ma lona aiga, ae latou te lei o i le lotu e tasi.
O Iosefa o se tagata faigaluega galue malosi. Sa ia fesoasoani e tipi i lalo laau ina ia mafai e lona aiga ona toto laau. Sa ia fesoasoani foi i lona aiga e ao mai le sua o laau o le maple e fai ai le suka.
Sa manao Iosefa e sue se lotu e pei o lea e i le Tusi Paia. I se tasi aso, sa alu ai o ia i se togavao ma tatalo ai. Na faaali mai le Tama Faalelagi ma Iesu ia te ia. Sa La tau atu ia te ia ua faamagaloina ana agasala. Sa La fai mai foi e le tatau ona ia auai i soo se lotu. E le o toe mamao ae toefuatai le Ekalesia a Iesu!
E toatele tagata na ula ia Iosefa ona o mea sa ia vaaia. Sa latou fai mai, na ia fatuina uma na mea. Ae sa tautala pea Iosefa i le mea moni. Sa ia fai mai, “Sa ou mautinoa lena mea, ma sa ou mautinoa sa silafia e le Atua lena mea, ma e le mafai ona ou faafitia lena mea” (Iosefa Samita—Talafaasolopito 1:25).
I le taimi nei, e mafai e tagata ona asiasi atu i le eria lea sa tatalo ai Iosefa. E matagofie ma e toafilemu.
O loo nonofo nei tamaiti i le nofoaga na tuputupu ae ai Iosefa Samita!
Ou te iloa o le Vao Paia o se nofoaga faapitoa aua na tatalo ai Iosefa Samita ma vaai ai i le Tama Faalelagi ma Iesu iina.
Piper D., 5 tausaga, Niu Ioka, ISA
Ou te faafetai o loo matou nonofo latalata i le fale o Iosefa Samita. Ou te fiafia e alu i le Fale o Grandin faatasi ma le lomitusi. Ou te fiafia lava e vaai i le mea na latou saisai ai kopi muamua o le Tusi a Mamona.
Roscoe B., 9 tausaga, Niu Ioka, ISA
Faafetai mo le asiasiina o le Vao Paia faatasi ma i ma’ua. Feiloai i se isi taimi!
Ata o tama na pueina e Julie Poulson; Ata na tusia e Katie McDee