Sau, Mulimuli Mai ia Te A’u: Tusi a Mamona
O le a le Uiga o le Tusia o le Suafa o Keriso i o Tatou Loto?
20–26 Aperila Mosaea 4–6
I le Tusi a Mamona, ua taua tagata i le tele o igoa —sa Nifae, sa Lamana, ma Aneti-Nifae-Liae ua na o ni nai vaega lava. Peitai sa manao le Tupu o Peniamina ia valaauina ona tagata i se igoa e maualuga atu, ma sili atu le paia—o le suafa o Iesu Keriso.
O le auala lea e mafai ai ona tatou faatumauina le suafa o le Faaola ia “tusia pea e le aunoa i o [tatou] loto” (Mosaea 5:12):
Feagaiga e ala i le Papatisoga
I le papatisoga, tatou te osi feagaiga ma le Atua e tauave i o tatou luga le suafa o Keriso. O le a sou manatu o le a le uiga o lena mea? (Tagai i le Mosaea 18:8–9.)
Taumafa i le Faamanatuga
Ua poloaiina i tatou ia aai ma feinu ma le agavaa i le faamanatuga i vaiaso taitasi. I le taimi o le faamanatuga, tatou te toe tautino atu ai i la tatou feagaiga e tauave i o tatou luga le suafa o Iesu Keriso (tagai i le Moronae 4:3).
Ola e pei o se So’o o Iesu Keriso
O a tatou feagaiga e manaomia ai ona tatou tausia poloaiga. E tatau ona atagia mai i a tatou amioga lo tatou manao e mulimuli ia Keriso ma avea faapei o Ia. O le faia o lena mea, e mafai ai ona valaau i tatou i Lona suafa. O le auala lea tatou te faatumauina ai le suafa o Keriso ia tusia i o tatou loto (tagai i le Mosaea 5:12).