Fesili & Tali
O le a lau tala pe a le talitonu au uo e mafai ona tupu le Uluai Faaaliga?
Atiina Ae Le Faatuatua
O fesili faaleagaga, e le gata ina moni tatou te manaomia; ae e tatau foi ona i ai lo tatou faatuatua e iloa ai e mafai moni lava ona tupu le Uluai Faaaliga. E mafai ona tatou atiina ae lena faatuatua e ala i le ole atu i le Tama Faalelagi ma faalogo i le Agaga.
Julia B., 17 tausaga, Kalefonia, ISA
Suesue le Tusi Paia
Fai i au uo e suesue le Tusi Paia. Afai latou te talitonu i ai o le afioga a le Atua, ona tatau lea ona latou talitonu o loo fetalai mai le Atua ia i tatou i le taimi nei e ala i faaaliga e pei o le Uluai Faaaliga aua sa Ia faia faapea ia Atamu, Mose, Isaia, ma isi perofeta i le tele o ala eseese.
Elder Muanda, 22 tausaga, Misiona Kenya Nairobi
Ole Atu i le Atua
O le mea moni o le liliuese mo le faitau selau o tausaga e le faapea ai o le a taofia e le Atua Ana faaaliga. E tatau ona i ai so tatou loto maualalo ma ole atu i le Atua ma le manatu moni ma le faamaoni o le loto, e pei ona faia e Iosefa Samita.
Jeremi E., 19 tasuaga, Kinshasa, Ripapelika Temokarasi o Congo
Talitonu i le Atua
Ou te fesili i au uo, “Pe tou te talitonu i le Atua? Tou te talitonu na Ia foafoaina mea uma? Pe tou te talitonu na faaali mai o Ia i perofeta i aso anamua? Ma afai tou te iloa, aisea tou te le talitonu ai e mafai nei? E mafai lava.”
Sarah M., 16 tausaga, Iuta, ISA
Faasoa Atu Lau Molimau
Ou te faasoa atu lau molimau i au uo, e faaali mai e lo tatou Tama Faalelagi mea i Ana fanau pe a latou ole atu ia te Ia ma se loto faamaoni ia iloa le upumoni. Sa i ai ia Iosefa Samita le manao e fia iloa le upumoni, ma sa ia galue e tusa ai ma lona faatuatua. E mafai foi ona e fiafia i se aafiaga matagofie pe afai e te ole atu i le Tama Faalelagi i le tatalo ma lou loto atoa.
Mara C., 20 tausaga, Lima, Peru
Atapue mai le Getty Images