Konafesi Aoao i le aluga o Tausaga

O lea la ua i lona 190 tausaga, o le konafesi aoao o se tu masani umi i masina uma o Aperila ma Oketopa, ae sa i ai ni suiga matagofie i le aluga o tausaga:

• 1830

  E lua masina talu ona faatulagaina le Ekalesia, na pulefaamalumalu ai Iosefa Samita i le konafesi aoao muamua i Feiete, Niu Ioka. E tusa ma le 30 tagata o le Ekalesia ma le tele o isi na auai.

• 1850

  Na lolomiina e le Deseret News le uluai lipoti atoa o le konafesi ona o se failipoti talavou, o George D. Watt, sa mafai ona ia faamaumau lauga i le tusitusi faapuupuu.

• 1867

  O le konafesi aoao na faia i le fa aso nai lo le mea e masani ai e tolu, ona sa palota le faapotopotoga ina ia nonofo ai i se aso faaopoopo.

• 1924

  O faaleotele leo na muai faaaogaina i le pulelaa i le Tapeneko. O taimi ua tuanai, sa tatau ona faalagolago failauga i le malosi o o latou leo ina ia lagonaina.

• 1949

  O le faaaogaina o mea pueata i totonu o le Tapeneko, na uluai faasalalauina ai le konafesi i luga o le televise.

• 1962

  Sa faaliliuina lauga i isi gagana — Siamani, Take, ma le Sipaniolo — mo le uluai taimi i le Tapeneko. O le taimi nei ua sili atu ma le 90 gagana ua faaliliuina i ai lauga.

• 1967

  Na faasalalauina le konafesi aoao i le Televise lanu. Sa laeiina e Alii o le Aufaipese a le Tapeneko ni peleue lanumoana vaivai, ma sa laeiina e tamaitai ni ofualuga lanu piniki.

• 1977

  O le suia o aso e tolu ma le ono sauniga aoao, na lua aso o konafesi e aofia ai ni sauniga masani se lima.

• 2000

  O le Nofoaga Autu mo Konafesi fou i le aai o Sate Leki, e nonofo ai tagata e 21,000, ma talimalo i lana uluai konafesi aoao.

Ina ia maua ia lauga mai konafesi aoao o i ai nei ma ua mavae, asiasi i le gc.ChurchofJesusChrist.org po o le vaega o le “General Conference” i le Gospel Library app.

Ata o le tulaga na saunia e David Green ATA O LE TELEVISE E MAI LE GETTY IMAGES