Faaleleia o o Tatou Aafiaga Faalemalumalu

Saunia e le Au Peresitene Sili

“O le pale maataua o le Toefuataiga o le malumalu paia. O ona sauniga ma feagaiga paia ua matua taua i le tapenaina o se nuu o ē ua saunia e faafeiloai le Faaola i Lona Afio Faalua Mai.”¹

Mai lea taimi i lea taimi, ua faia ai e le Au Peresitene Sili ni suiga i sauniga ma faiga faavae o le malumalu ina ia mafai ai ona faaleleia aafiaga o le malumalu mo tagata ma fesoasoani ia i latou uma o e ulu atu e lagona se sootaga latalata atu i le Atua i totonu o nei maota paia.

I le avea ai ma se vaega o le aafiaga o le malumalu, e faia e tagata ia laei o le sauniga i le faatauaina o aoaoga faavae ma faatusa e mafai ona toe sailia i tapuaiga faalemalumalu i le Feagaiga Tuai (tagai Levitiko 8 ma le Esoto 28).

Ua faia nisi o fetuunaiga i laei o sauniga o le malumalu. O nei fetuunaiga e le atagia ai suiga i faatusa o le malumalu po o aoaoga faavae ae ua faamoemoe e faia ni aafiaga i le malumalu e sili atu ona faigofie, toafimalie, ma faigofie ona maua e ala i le faafaigofie ona laeiina, tausia, ma gafatia.

O nisi o nei suiga e aofia ai:

Se mamanu faigofie mo le veli ma le ofu talaloa.
Le aveeseina o le uga faaopoopo mai le pulou ma le nonoa mai le pulou ma le veli.
Le faaaogaina o se ie e sili ona anagata e tutusa lava ma ofu talaloa, pulou, ma le fusi, lea e umi ona aoga ma faigofie ai ona tausia.

Matou te faamoemoe o nei suiga o le a fesoasoani e faaleleia ai lenei aafiaga paia mo oe a o e faia tapuaiga i le malumalu o se vaega masani o lou olaga.

FESILI E FESILIGIA SOO

Pe mafai ona ou faaauau pea ona faaaoga ia laei o sauniga ua uma ona ou mauaina?

Ioe. E mafai ona faaauau pea ona faaaoga ia sitali ua mavae seia oo ina manaomia ona toe suia.

E faapefea ona ou faaleaogaina laei tuai o le sauniga?

Ina ia faaleaogaina ia laei o le malumalu ua tuai ma masaesae, e tatau i tagata o le ekalesia ona faaleagaina le ofu e ala lea i le ‘oti‘oti ina ia le mafai ona iloa le mea na faaaoga i ai muamua” (Tusitaulima 2: Taitaiga o le Ekalesia [2010], 21.1.42).

Pe mafai ona ou suia ou ofu o loo i ai e faafetaui ai i suiga fou?

Ioe. O nisi faamatalaga e uiga i le auala e fai ai e mafai ona maua i le store.ChurchofJesusChrist.org/ceremonialclothing pe a e alu i totonu ma lau faitotoa o le pepa faamaumau po o le asiasi i le Tautua a le Faletusi ma fesili i se failautusi o le faleoloa.

Pe mafai ona ou foai atu ni ofu tuai o sauniga?

Pe a talafeagai ai, e mafai ona e tuuina atu ni lavalava o lelei i tagata o le aiga po o uo ua ulu. Ae peitai, o laei o sauniga, e tusa lava po o a tulaga, e le tatau ona foai atu i se malumalu, Deseret Industries, pe soo se ituaiga o lavalava e faafesuiai.

E faapefea ona ou maua ia laei fou?

Mo faamatalaga e uiga i le tau ma le avanoa i la outou eria, alu i le store.ChurchofJesusChrist.org/ceremonialclothing pe asiasi i le Auaunaga a Faletusi.