Ana Beretitenti Kiribati E Roko ni Kautuun te Ekaretia

Ruu ni kareke rongorongo

Kaitibo ma te Moan Beretitentii ao taan kairiiri ake tabeman.

Imwiin irakin ana ka 74 n Tetere n Bootaki ni Kabuta n te U.N. ni Kaawan New York, ana Beretitenti Kiribati Taneti Maamau, n raonaki iroun buuna ao kain ana tiim, a toki i Salt Lake City ni kaitibo ma mataniwiin Ana Ekaretia Iesu Kristo Ibukiia Aika Itiaki ni Boong aika Kaitira.

Beretitenti Maamau ao tabeman n te bwatei iai aia utu ao komiunitii ae iai reitaki ma te Ekaretia I Kiribati, are temanna inanon niiman kain te aba bon te membwa.

N te U.N., Beretitenti Maamau e taetae iaon kakaawakin buokakiia aomata, kakorakorakiia naake aki tabeakinaki, ao kakaawakin te reirei.

Te Moan Beretitentii n Ana Ekaretia Iesu Kristo Ibukiia Aika Itiaki ni Boong aika Kaitira a kaitibo ma Beretitenti ao buuna Mrs. Maamau ao uoman kain ana tiim, Dr. Naomi Atauea ao Mrs. Peniita Garisau.

Beretitenti Maamau e karabwa te Moan Beretitentii ibukin ana mwakuri te Ekaretia n Ibuobuoki I Kiribati. N tairikin te Tabati, Beretitenti ao Mrs. Maamaua a karineaki n te uaboora ni katairiki irouia kain te Kiribati komiunitii. Aine a karekea te rabuna n ana Tienta te Humanitarian n te Ekaretia ao te kaneweaba nakon te Bishops’ Central Storehouse.

A neweaba te Brigham Young University, ao bon iruwa n tain te amwareke iroun te kauoman ni beretitenti n te iuniwetiri, Sandra Roberts, ao a kukurei ni kaitibo ma mitinare ake a bane aia tai ni burokuraem aika a kaungaa n te anene ao te mwaie.

N aia Tienta Mitinare ni Kataneiai, te Beretitenti e noriia mitinare aika a boou ni kataneiai n te taetae n ianena.

Unimwaane Carl B. Cook, te Mataniwi ni Kabuta n te Ekaretia, e taetae iaon ana botoniango te Ekaretia are e boboto iaon te riki n Toronibwai ao ana burokuraem iaon te reirei te BYU are e kona ni karaoaki iaon te intanete.

N ana kaembwati te BYU, Beretitenti Maamau e katea te kaa ni kaneweaba bwa e na tei imatan te bwai ni katamaroa iaon te oo ae bubura are e koreaki iaon te kibu man Reirei ao Berita aika Tabu 88:77–78. “. . . n reiakini imarenami . . . ao au akoi e na mena imarenami . . .”

Ngaia ma kainnabana a manga tei n te korobanna ae rang kinaaki mairoun Carl Bloch n tamnein Kristo ngke e kakabwaia te aomata ae kainnano.