Titiraki n Intawiu ibukin Karekean te Tembora Rekomente a Kabouaki

Ruu ni kareke rongorongo

Ngkai e teimatoa n tiku n arona kainibaire n rin n te Tembora, katamaroa aikai a na kona ni katauraoia riki aika Itiaki ni Boong aika Kaitira n nebo n taian tembora.

Beretitenti Russell M. Nelson man ana Ekaretia Iesu Kristo ibukiia Aika Itiaki ni Boong aika Kaitira e reitinako ni kan kabotoa ana katamaroa iaon te nebonebo n onimaki n te Tembora n te Tabati ni kainakin te ka 189 ni Maungatabu ni kabuta te kauatai n te ririki. E wareki titiraki ake a na titirakinaki kain te Ekaretia ngkana a karekea aia rekomente n te Tembora.

Titiraki ni karekean rekomente n te Tembora a tia ni kamatataaki ni katoa tai ke ni katamaroaki ni kaitarai kainnano ao aroia nako natin te Atua. Bitaki aikai a kamataataki, ma aki bitaki, te aro n tau e kainnanoaki ibukin te rin n te Tembora.

Te bitaki nakon titiraki ni karekean rekomente n te Tembora aei e kamatatai tabeua bwaai aika a kakaawaki riki ni katauraoia aika Itiaki ni boong aika kaitira n rin n te Tembora.

Karekean te kariaia n te Tembora e na kariaia rinin ae Itiaki ni Boong aika Kaitira n rin n te Tembora n onimaki. Te membwa ae ikawai n te Ekaretia e na karekei uoua intawiu ni karekean te Tembora rekomente—teuana iroun te membwa man te bitiobiriki n te tabo, imwiina iroun temanna kain te Beretitentii n te Titeiki (te mataniwi n te tabo). Te kariaia aio e kona ni kabonganaaki inanon uoua te ririki.

Te rekomente ae tianaki ibukiia ake 11 aia ririki ao iaona e karekeaki rinanon te intawiu ma te bitiobi n te tabo. Aio e kariaia ae Itiaki ni Boong aika Kaitira, riki ataeinimwaane ao ataeinnaine, n ira te bwabetito n te Tembora. Te rekomente aei e kabonganaki ibukin teuana te ririki.

“Te tokanikai ae kakawaki ni Kaokan Bwaai [te waaki ni katean ana Ekaretia Iesu Kristo iaon te aba] bon te tembora,” e taku Beretitenti Nelson.¹

“Kororaoin temanna ma temanna n rin n ana auti te Uea e kainnanoa ana katauraoi te aomata n te maiu n tamnei. Man ana ibuobuoki te Uea, akea te bwai ae e kangaanga irouna. N aro tabeua, e bebete riki katean te Tembora nakon katauraoaia aomata n rin n te Tembora. Kororaoin temanna e kainnanoa te rairaki ae bwanin n te iango ao te nano n riki n ai aron riki te Uea, n riki bwa kain te aba ae kokoaua, n riki bwa te banna ni katooto ae tamaroa riki ao n riki bwa te aomata ae mimitong riki.”²

Titiraki ibukin Rekomente n te Tembora

Titiraki n te intawiu a katauraoaki nakoia aomata nako bwa aonga membwa n rooro nako ni kona riki ni mataata ni bwaai aika a kainnanoaki ibukin te nebonebo n te Tembora ao ni katauraoi n rin n te Tembora.

Tititraki ibukin te intawiu ni karekean te rekomente n te Tembora aika inano. Te kauarereke ao te kamataata nakon 11 titiraki a tia ni katamaroaki.

Iai am onimaki ao am koaua iroun te Atua, te Tama ae Akea Tokina, Natina, Iesu Kristo, ao te Tamnei ae Raoiroi?
Iai am koaua n ana Mwakuri ni Kamaiu Iesu Kristo ao ana Mwakuri ae te Tia Kamaiu ao te Tia Kabooira?
Iai am koaua ni Kaokan ana euangkerio Iesu Kristo?
Ko kamatoa te Beretitenti n Ana Ekaretia Iesu Kristo ibukiia aika Itiaki ni Boong aika Kaitira bwa te burabeti, tia mamata, ao te tia kaotioti ao ae ti ngaia te aomata ae kariaiakakai iaon te aba ni kamwakuri kiingin te Nakoanibonga ni kabane?

Ko kamatoaia kain te Moan Beretitentii ao te Kooram n Abotoro n te Tengaun ma Uoman bwa burabeti, taan mamata, ao taan kaotioti?

Ko kamatoaia Mataniwi ni Kabuta ao Mataniwi n te tabo n te Ekaretia?
Te Uea e tia n taekinna bwa bwaai ni kabane a na “karaoaki n te itiaki” imatana (Reirei ao Berita aika Tabu 42:41).

Ko kataia n itiaki n te maiu n rabwata n am iango ao n anuam?

Ko ongeaba nakon tuan te itiaki?
Ko ira ana reirei ana Ekaretia Iesu Kristo n anuan maium ao ibuakoia te botanaomata ma kain am utu ao tabeman?
Ko boutoka ke karikirakei reirei, mwakuri, ke reirei aika a kaitara nakon ana Ekaretia Iesu Kristo ibukiia aika Itiaki ni Boong aika Kaitira?
Ko kataia ni kawakina te bong ae te Tabati ni kamimitongnga, ni mweengam ao n te Ekaretia; irii am bootaki, katauraoi ao ni kana te toa; ao ni maiuakina maium inanon te rau ma tuan ao ana tua te euangkerio?
Ko bwabwaina te kokoaua ni bwai ni kabane aika ko karaoi?
E bwanin kabwakaan am kabwianibwai?
Ko mataata ao n ongeaba nakon Tuan te Mauri?
Iai kabaeakim n te mwane ke bwaai riki tabeua nakon kainnabam are mai imwaina ke natim? Ngkana eng, ko kakaonimaki n irii nanon katabeam akanne?
Ko kawakin berita ake ko karaoi n te Tembora, n raonaki ma kabonganaan am kamente n te Tembora n aron are e taekinaki n te entaumente?
Iai buure aika kakaiaki inanon maium ake ko riai ni mwakuri ma te Nakoanibonga are iai te kariaiakaki irouna bwa mwakoron am rairannano?
Ko namakinna bwa ko tau n rin n ana auti te Uea ao ni karaoi otenanti n te tembora?

Beretitenti Nelson e kauringiia aika Itiaki ni Boong aika Kaitira bwa te kaukuki nakon taian tembora ake a tia ni katanoataaki ke akee a kateaki n aia tabo nako bon te tai ae kakaawaki n reiakinakiia kain te komiunitii iaon tera ke bukin tera te nebonebo n te Tembora.

“A mwaiti rao aika tiaki kain ara aro ake a na irii ni matakuakini Tembora akanne ao a na reiakina taekan kakabwaia n te Tembora. Ao tabeman ibuakoia taan roko akanne a na riingaki ni kan atatai riki, e taku. “Tabeman a na titiraki ma nanoia bwa a na kanga n tau ibukin kakabwaia n te Tembora. Ngkai kain te Ekaretia, ti na riai n tauraoi ni kaekai aia titiraki. Ti kona ni kabwarabwara bwa kakabwaia n te Tembora a tauraoi nakoia aomata nako ni kabane ake a kona ni katauraoia.”³