Man te Moan Beretitentii
Irakin Aia Banna ni Katooto Bwaeoniia
Iroun Beretitenti Dallin H. Oaks
Moan Kauntira n te Moan Beretitentii
E anaaki man “Following the Pioneers,” Ensign, Nobembwa 1997, 72–74.
Tii te taina ae I nakonako iai n irii kawai ake a nakonako iaona bwaeoniia n te Ekaretia n taai akekei n nakon te Mwanono are i Salt Lake. I namakina te nanorinano n nakonako n te tabo are a nakonako iai bwaeoniia. Ma e aki kakaawaki te nakonako n te tabo are a nakonako iai ma bon maiuakinan te maiu are a maiuakinna.
Bwaeoniia a waakinako ma te onimaki inanon te onimaki ae boou, te aba ae boou, ao ni kawai aika a boou ni karaoakin bwaai. A onimakina te Atua. Ti kainnanoa te onimaki naba.
A tou mwiin bwaai ake a tuangaki irouia aia taan kairiiri. Ti riai n ongeaba naba.
A kabonganai aia tarena ao a ikotaki ni mwakuri ni katea Tion. Ti riai ni katiteuanaaki naba.
Akea ae a kiitanna. A kakoaua bwa a kairiia naake iai aia kangaanga iaon te kawai. Ti riai n tatauraoi ni bubutimwaei naba.
Ti kona ni karineia bwaeoniia man irakin aia banna ni katoto. ●
I kona n Riki bwa te Bwaeoniia
Te aomata are e kaira te kawai ni buoka katamaroan te maiu nakoia ana utu bon te bwaeoniia.
Kakaea kawaim rinanon te kangaanga. Rinanoan kawai aikai, ko kona n riki bwa te bwaeoniia ngkana …
-
Ngkana I reiakina te bwai ae boou.
-
Ngkana I waakina te katei ae tamaroa.
-
Ngkana I reiakiniia au utu taekan te euangkerio.
-
Ngkana I karaoi bwaai ni katea au utu ae akea tokina.