Ti na Kangaa Ni Kakorakorai Ara Onimaki—Nikabane
Inanon ara kamatebwai n Ana Boki Moomon n te namakaina aei, ti reiakina taekan Korioa, are e tuangiia kaain te Ekaretia ae mwaiti are a tia ni mwamwanaaki irouiia burabeti ma imwina e a kakoaua are bon ngaia are e a tia ni mwamwanaaki iroun Tatan ao e a tia ni keweiia tabeman. Ti reiakina taekaia Tioromwaite, koraki n aomata ake a karaureiia man te Ekaretia. Ao ti noora Aramwa te ataei, are e a tia ngkoa ni matoatoa ni kaitaraa te Ekaretia, n ukora korakoraia oin natina ake a ikawai ni kaitaraa te rinerine are e na kairiia nako man ana Ekaretia te Atua.
Tabeman ibuakora iai aia utu ke raoraoiia ake a rineia n aki manga ira ana Ekaretia te Uea are e kaokaki. Aio are e kona n rang ni kamaraki ibukira ngaira ake ti namakina ara koaua bwa a rang matoatoa. Ti tangiria n ibuobuoki, ma a mwaiti ibuakora ake a titiraki bwa ti na kanga.
Te tabeka n te maekatiin e aki kona ni marooroakin taekana ni kabane bwa bukin tera e karako te onimaki ke ni kabwara raoi bwa e kanga te kaeka ngkana e riki. Ni kabane mwanangara n te onimaki e bon kaokoro. Ma te tabeka aio ti kantaningaia ni karekei tabeua ibuobuoki, n aron:
-
Ana taneiai te mwaane temanna n okina nakon te Ekaretia ao tera are e a tia n reiakinna mai iai (taraa iteraniba 26).
-
Kakawakin butimwaeaiia aomata ni kabane (taraa 40).
-
Taian iango ibukiia kaaro iaon aron te iraorao ma natiia ake a ikawai ake a tia n rinea te kawai ae kaokoro (taraa iteraniba 30).
-
Te taratara ae ibuobuoki iaon rongorongon te Ekaretia ao e kanga ni kona ni kakorakora ara onimaki (taraa iteraniba 12).
Ti kantaningaia bwa bwaai aikai a katauraoaki n riki bwa te moani bointe ibukim ni ukori kairi mai ieta ibukin te tai ae ko mena inanona.
Raomi ni Koaua,
Adam C. Olson
Manatia n Eteta