E kanga te Rairannano ni Bita te Nanokawaki nakon te Kimwareirei?

Turai 20–26

Aramwa e tibwaua rairakina are e rinanona nakon natina te mwaane ae Ereman. Aramwa e karaki nakoina bwa e kanga “kamarakaki ma te karawawata ae akea tokina” ibukin “ni kabane [ana] bure ao buakakana” (Aramwa 36:12-13). E kanga am namakin ngkana ko rinanon te raraomwa man te bure?

Bungiaki iroun Atua

Imwin teniua te bong kamarakana n te nano, Aramwa e tia n iangoa tokin te kamarakaki are tia n namakinna (taraa Aramwa 36:19). E kakoaua bwa e a tia ni bungiaki iroun Atua” (Aramwa 36:23). Tera te iango are e kairia bwa ngaia e bungiaki iroun te Atua? (Taraa te kibu 18.)

Kimwareirei imwin te Rawawata ae Korakora

Aramwa e rinanon te rawawata ae korakora ibukin ana bure, ma ngke e uringnga ao e tang nakon Iesu Kristo, rawawatana e bon oneaki nakon te karewe ao tamaroa te kimwareirei ni kabwarabure (taraa Aramwa 36:20).

Onimakina te Atua

Man uringakin ana Mwakuri ni Kamaiu Iesu Kristo, Aramwa e reiakinna ni kakoaua te Atua ao n ataia e na tabekakirake n te kabanea ni bong (taraa Aramwa 36:3). E kanga uringakin ao onimakinan ana Mwakuri ni Kamaiu te Tia Kamaiu n anganiko te kimwareirei?