Mwakurian Aki Koauan Taai Aika a na Roko Ma te Onimaki

Tamnei

young adult looking at two paths

Ngai te aomata ae I tangiria ni babaire. I tangiria ni kan ataia bwa tera ae kantaningaaki ni katoa bong, bwa I aonga n tauraoi nako iai. Ma N na kanga n tauraoi ibukin taai aika a na roko ngkana e bon rang raroa ao n aki koaua raoi iai?

Te maiu e rang n abwaabwaki. E korakora bwaai aika imwaira! E korakora bwaai aika a na kona n riki! E Korakora Bwaai are I Kona ni Karaoia! Tabetai bwaai aika kona ni karaoaki a manga rangi n riao nakon karaoakiia.

A mwaiti bwaai aika I tangirii: kainnabau, te mwakuri ae tamaroa, ni maeka n aaba itinaniku, maniman n te katamwa, ni korea te karaki, reiakina te taetae n Ruutia … Ma I ataia naba bwa kukurein naano ao kouru a bibitaki. Moanibwai a bibitaki.

Teuana te moanibwai are e riai n aki bitaki bon ara motinnano nakon te Atua ao Ana babaire. Ma Ana matairiki, ti kona ni borau rinanon ara tai aika a na roko anne e bon onrake n taian titiraki ibukina E na buokiira ni karekei kaekaiia, teuana imwin teuana. Ti na ti kataia ni karaoa te rinerine ae te kabanea n tamaroa n ara konaa ma aron karaoakiia.

Inanon te mwakoro aei, kairake n ikawai a na tibwauai aia taneiai n aroia ni babaire ibukin taai aika a na roko ma ana ibuobuoki Tamara are i Karawa ao aroia ni waaki rake ma te onimaki ngkana a kaaitara ma korakoran te nanokokoraki.

Ngkana ti taetae ibukin taai aika a na roko, a na rang mwaiti titiraki, ma anne e tii nanonaki a rang mwaiti konabwai. Iai naba ara konabwai—konabwai ae akea tokina n riki n aron Tamara are i Karawa ao Natina, Iesu Kristo.

Ao anne e karika arora n taai aika a na roko bwa e na mimitong

Meg Yost