Mauri mai Argentina!
Mauri! Ngaira bon Margo ao Paolo.
Raoniira ngkai ti a kawara Argentina!
Argentina bon te aba i Amerika Maiaki. E raka iaon 2,000 te maaire (3,219 km) abwakina. I meang, e bon rangi ni kabuebue n tain te kabuebue. I maiaki, iai buraoki n aiti n riki inanon te ririki ae bwanin!
Empanadas bon amwarake aika ataaki i Argentina. Bon te kabuki ae kanoaaki n te irikomaiu, te koon, ke te uanikai. Kangkang!
Taian Kaaubooi a aranaki bwa gauchos i Argentina. A kaikawaiia nanai ni man ao taian aoti.
Angiina aomata a kabooi amwarake n taian mwakete i tinaniku. Te ataeinimwaane aei e buoka tamana n uota te sandía ke te uotameron.
Te ataeinnaine aio e kawara te Córdoba Argentina Tembora n te bong are e katabuaki iai. N te tai ae waekoa ao Argentina e na reke teniua ana tembora!
A mwaiti maan aika kakamataku ae a maeka i Argentina—jaguars, condors, ao penguins!
Ushuaia bon teuana mai ibuakon kaawa ae kaan ma te Bora Meang n te aonaaba! Iai teniua uoote n te kaawa anne.
Kaitibo ma raora tabeman mai Argentina!
Ngke Beretitenti Russell M. Nelson e kaota te burokuraem ae boou ibukin taian kouru ibukiia ataei ao kairake, I katea au kouru bwa N na biri, n riki bwa te rao ae raoiroi, ao ni kanakoraoa riki au tataro. I kaota au koaua n te bootaki n toa ae I ataia bwa ngkana I karaoa te burokuraem aei, e na buokai Tamau are i Karawa.
Gonzalo L., ana ririki 7, Buenos Aires, Argentina
Ngkana ti wareki booki aika tabu, ti reiakina taekan Iesu Kristo ao E kanga n tangiriira. Anne e buokai bwa N na kukurei. I ataia bwa E tangirai.
Emma L., ana ririki 5, Buenos Aires, Argentina
Ngkoe kaain Argentina? Koroboki nakoira! Ti rangi ni kan ongora mai iroum.
Ko rabwa ibukin raonakira n neweabaakin Argentina. Tiabo rimwi!