Kumusta gikan sa Argentina!

Hi! Kami si Margo ug Paolo.

Kuyugi mi samtang bisitahon nato ang Argentina!

Ang Argentina usa ka nasud sa South America. Kini labaw pa sa 2,000 ka milya (3,219 km) sa gitas-on. Sa amihanan, init kaayo atol sa ting-init. Sa habagatan, adunay mikaging nga mga glacier sa tibuok tuig!

Ang mga Empanada ilado nga pagkaon sa Argentina. Pastry kini nga puno sa karneng baka, mais, o prutas. Yum!

Ang mga cowboy gitawag og gauchos sa Argentina. Namuhi sila og mga baka ug mga kabayo.

Daghang mga tawo ang mamalit og pagkaon sa merkado. Kining bata nga lalaki nagtabang sa iyang amahan sa pagdala og usa ka sandía o pakwan.

Kining bata nga babaye mibisita sa Córdoba Argentina Temple sa adlaw nga kini gipahinungod. Sa dili madugay ang Argentina aduna nay tulo ka mga templo!

Daghang makapaikag nga mga hayop ang nagpuyo sa Argentina—mga jaguar,mga condor, ug mga penguin!

Ang Ushuaia mao ang usa sa labing duol nga mga dakbayan ngadto sa South Pole sa kalibutan! Dunay tulo ka mga ward niana nga dakbayan.

Himamata ang pipila sa among mga higala gikan sa Argentina!

Sa dihang gipresentar ni Presidente Russell M. Nelson ang bag-ong programa sa mga tumong alang sa kabataan ug kabatan-onan, mihimo ko og mga tumong nga modagan, mahimong maayong higala, ug himoong mas maayo ang akong mga pag-ampo. Mipamatuod ko sa sakrament miting nga nasayud ko nga kon buhaton nako kini nga programa, ang Langitnong Amahan motabang kanako.

Gonzalo L., 7 anyos, Buenos Aires, Argentina

Kon mobasa kita sa mga kasulatan, makakat-on kita mahitungod ni Jesukristo ug sa unsang paagi nahigugma Siya kanato. Nakatabang kana nako nga mahimong malipayon. Nasayud ko nga gimahal ko Niya.

Emma L., 5 anyos, Buenos Aires, Argentina

Taga-Argentina ka ba? Sulati kami! Ganahan kaming makadungog gikan kanimo.

Salamat sa pagsuhid sa Argentina uban namo. Magkita-kita ta sa sunod higayon!