Sa Unsang Paagi ang Paghinulsol Makapabaling sa Kasub-anan ngadto sa Kalipay?

Hulyo 20–26

Si Alma mipakigbahin sa iyang kasinatian sa pagkakabig uban sa iyang anak nga si Helaman. Si Alma misulti kaniya kon sa unsang paagi siya “gisakit uban sa walay katapusan nga kahasol” tungod sa “tanan [niyang] mga sala ug kadautan” (Alma 36:12–13). Unsa ang imong bation kon makasinati ka og kahasol sa tanlag gumikan sa sala?

Natawo sa Dios

Human sa tulo ka adlaw nga kasakit sa kahiladman, si Alma adunay usa ka hunahuna nga nakapagaan sa kasakit nga gibati niya (tan-awa sa Alma 36:19). Siya mipamatuod nga siya “natawo sa Dios” (Alma 36:23). Unsa nga hunahuna ang midala kaniya nga matawo sa Dios? (Tan-awa sa bersikulo 18.)

Kalipay human sa Dakong Kasubo

Si Alma nakasinati og dako nga kasubo tungod sa iyang mga sala, apan kon siya mohinumdom ug motawag ni Jesukristo, ang iyang kasubo mapulihan og maanindot ug talagsaon nga kalipay sa pagpasaylo (tan-awa sa Alma 36:20).

Salig sa Dios

Pinaagi sa paghinumdom sa Pag-ula ni Jesukristo, si Alma nakat-on sa pagsalig sa Dios ug nasayud siya nga ituboy sa katapusan nga adlaw (tan-awa sa Alma 36:3). Sa unsang paagi ang paghinumdom ug pagsalig sa Pag-ula sa Manluluwas nakahatag kanimo og hingpit nga kalipay?