Dali, Sunod Kanako: Basahon ni Mormon
Nganong Gipaambit ni Alma ang Istorya ni Moises ug sa Bitin nga Tumbaga?
Hulyo 13–19
Human gikompara ni Alma ang pulong sa Dios ngadto sa usa ka binhi (tan-awa sa Alma 32:28–43), ang mga tawo nangutana kaniya kon unsaon sa pagtanom sa binhi. Gigamit ni Alma ang istorya ni Moises ug sa bitin nga tumbaga gikan sa Numeros kapitulo 21 isip usa ka ehemplo sa paglihok inubanan sa hugot nga pagtuo (tan-awa sa Alma 33:19–23).
Usa ka Simbolo ni Kristo
Ang usa ka simbolo usa ka butang nga nagrepresentar o naghulagway sa usa ka butang o tawo. Sa dihang ang mga Israelihanon napaakan sa makahilo nga mga bitin, giisa ni Moises ang bitin nga tumbaga, nga nahimong usa ka simbolo ni Kristo. Ang tanan kinsa milihok inubanan sa hugot nga pagtuo ug mitan-aw niini naayo, sama sa tanan nga molihok sa ilang hugot nga pagtuo diha ni Jesukristo mahimong mamaayo sa espirituhanong paagi.
Ang Uban Nagpatig-a sa Ilang mga Kasingkasing
Sama ka yano sa pagtan-aw, pipila sa mga katawhan nagpatig-a sa ilang mga kasingkasing ug midumili, ug sila namatay isip resulta sa pinaakan. Nganong wala sila motan-aw? (tan-awa sa Alma 33:20). Unsa ang gitudlo niini kanato mahitungod sa hugot nga pagtuo ug sa pagkawalay pagtuo?
Mamaayo Ka Ba?
Kon mamaayo kamo pinaagi sa pagbuhat og yanong butang sama sa pagtan-aw, dili ba ninyo buhaton kini? Nangutana si Alma niini ug nagdapit kanato sa pagtan-aw sa Manluluwas pinaagi sa pagtuo diha Kaniya (tan-awa sa Alma 33:21–22).