Unsa Ang Importansya sa usa ka Ngalan?

Hunyo 29–Hulyo 5

Human sa ilang pagkakabig, ang matinud-anon nga mga Lamanite gusto og usa ka bag-ong ngalan sa pag-ila sa ilang mga kaugalingon gikan sa mga Lamanite ug sa pagsimbolo sa ilang pagkakabig ngadto ni Jesukristo. Sila mitawag sa ilang kaugalingon nga mga Anti-Nephi-Lehi (tan-awa sa Alma 23:16–17). Mailhan nato ang atong kaugalingon karon pinaagi sa pagdala sa ngalan ni Jesukristo ngari kanato.

Usa ka Simbolo sa Atong Pagkakabig

Atol sa bunyag nakigsaad kita sa Dios sa pagdala ngari kanato sa ngalan ni Kristo. Kon kita moambit sa sakrament, atong gibag-o kana nga mga pakigsaad. Unsay atong gisaad nga hinumduman ug buhaton samtang kita modala ngari kanato sa Iyang ngalan? (Tan-awa sa Mosiah 18:8–9; Doktrina ug mga Pakigsaad 20:77.)

Usa ka Saksi ni Kristo

Ang mga apostoles gitawag isip “talagsaon nga mga saksi sa ngalan ni Kristo sa tibuok nga kalibutan” (Doktrina ug mga Pakigsaad 107:23). Kita mamahimo usab nga mga saksi ni Kristo. Sa unsang paagi nga makighiusa ka sa propeta ug sa mga apostoles ug mamahimong usa ka saksi sa ngalan ni Kristo ngadto sa mga tawo sa imong palibut?

Usa ka Tinubdan sa Gahum

Bag-uhay lang, si Presidente Russel M. Nelson naghangyo kanato sa pagtawag sa Simbahan sa hustong ngalan niini: Ang Simbahan ni Jesukristo sa mga Santos sa Ulahing mga Adlaw. Misaad siya nga ang gahum mobu-bu diha sa mga Santos kon kita mobuhat sa ingon (tan-awa sa “Ang Sakto nga Ngalan sa Simbahan,” Liahona, Nob. 2018, 89). Unsa ang pipila ka mga butang nga inyong mahimo aron mas magamit ang husto nga ngalan sa Simbahan ug makatabang sa uban nga mobuhat sa ingon?