Te Rengarenga ae Raba

Iroun Titita Cristina B. Franco

Kauoman ni Kauntira n te Beretitentii ni Kabuta n te Moanrinan

Anaaki man “Te Kimwareirei man te Ibuobuoki ae Aki Tauaninne,” Riaona, Nobembwa 2018, 55–57.

Tamara are i Karawa e Tangirira bwa ti na buokiia tabeman. Au tia reirei n te Moanrinan bon te banna ni katoto ae tamaroa n te ibuobuoki. Ngkana ti roko n te Moanrinan, Titita Antonietti n tainako e uouota te keeke ae te tiaokureti. I riba te keeke ae te tiaokureti! Ni kabane a bane n tatangiria. Ma ngai I tuai man kanna.

N te bong teuana, e titirakinai, “E aera ko aki kataia teutana? Te keeke aei e karaoaki n te rengarenga ae onoti.”

I kariaia bwa N na kataia. Ao keeti bwa tera? I tangiria!

Ririki ake imwiina tinau e tuangai ana rengarenga Titita Antonietti ae raba. “Titita Antonietti e aki bati ana mwane,” e taku tinau. “Ni katoa wiiki e rineia imarenan kabwakaan kantokana n te bwati ke kaboan ana rengarenga ibukin karaoan te keeke te tiaokureti ibukiia kaain am kiraati. N tainako e rinea te tiaokureti keeke. Ngaia are n onean mwiin tokana n te bwati, e rianna n te raroa ae raka iaon uoua te maire [3 km], n nako ao n oki, n aki tara kanoan te bong.”

Ana rengarenga Titita Antonietti bon ana tangira nakoia tabeman! ●